“East Gate” thërret kompanitë për ndërtimin e kompleksit gjigant në Shkup

Kompleksi i madh që do të ndërtohet në Shkup, “East Gate” nga kompania “Skopje Ist gejt” Shkup, nëndegë e “Balfin Group” Tirana do të jetë një ngjizje e një qendre tregtare të madhe, kompleks banimi dhe qendër biznesi. Ky projekt planifikohet të ndërtohet në disa faza.

Faza e parë që fillon në mars të 2019 do të zgjas 18 muaj. Në këtë fazë do të ndërtohen 650 apartamente në katër ndërtesa. Gjithësejt do të ketë hapësirë prej 147 mijë metër katrorë.

Për fazën e parë, “Skopje Ist gejt” ka hapur thirrje zyrtare në version elektronik për rikualifikim të kompanive të interesuara për të marrë pjesë në ndërtimin e projektit, ose për ofrimin e materialeve për ndërtim.

Paraqitja mund të bëhet KËTU

“Qëllimi i këtij procesi është që të vlerësohen teknikisht, financiarisht dhe kuadri i aplikimit për pjesmarrësit në këtë proces të parë” thonë nga “Skopje Ist gejt”.

Ky proces për “Skopje Ist gejt” do të jetë në dy forma:
1. Pranimi i gjithë dokumenteve që do të dorëzohen nëpërmjet e-nabavki

2.Vlerësim i dokumenteve të dorëzuara dhe intervistim i palëve që kanë shfaqur interesim për bashkpunim.

Në fund, ofertuesit që me sukses do të kalojnë këto dy hapa do të mund që të konkurrojnë për ndërtim të Skopje East Gate dhe të jenë pjesë e saj.