Meryem Uzerli mahnit fansat me një fotografi nga koha kur ka qenë 16 vjeçare

Aktorja dhe modelja, Meryem Uzerli, ka publikuar një fotoportret nga viti 1999, duke iu bashkuar kështu trendit të publikimit të fotografive nga e kaluara në Instagram.

Fotografia e publikuar nga aktorja turko-gjermane është nga koha kur ajo ka qenë 16 vjeçare.

Imazhi i postuar ka marrë qindra mijëra pëlqime në profilin e saj në Instagram, ku bukuroshja numëron mbi 4.6 milionë ndjekës.

https://www.instagram.com/p/Bp7ZEtMhPDx/

Meryem Uzerli krijoi famë te publiku shqiptar falë rolit në serialin turk për sulltan Sulejmanin, “Muhtesem Yuzyil”, ku e portretizoi sulltaneshën Hyrrem dhe u pëlqye shumë nga shikuesit.

Ndërsa edhe pas tërheqjes nga seriali, fansat vazhduan të interesoheshin për të rejat në jetën e aktores.

https://www.instagram.com/p/BqCTQv1AHDR/

35-vjeçarja është aktore dhe modele turko-gjermane, e cila u bë e njohur pikërisht me rolin e sulltaneshës Hyrrem nga seriali “Muhtesem Yuzyil”, ku luajti gjatë viteve (2011–2013).

Për këtë rol, ajo mori kritika shumë pozitive dhe u vlerësua me disa çmime, në mesin e të cilëve edhe me çmimin ‘Flutura e Artë’ që u ndahet yjeve turke për sukseset në seriale televizive dhe në muzikë.

https://www.instagram.com/p/BpwPbY4hPPa/

Aktorja ka lindur (12 gusht 1983) dhe është rritur në Kassel të Gjermanisë dhe pikërisht atje e nisi karrierën si aktore.

Fillimisht, luajti në seriale gjermane (“Notruf Hafenkante”, 2010 dhe “Ein Fall fur zëei”, 2010), kurse më pas u angazhua edhe në filma gjermanë, si “Journey of No Return” (2010) dhe “Jetzt aber Ballett” (2010).

https://www.instagram.com/p/BprL3dsApIh/

Në fund të vitit 2010, Meral Okay e zgjodhi që të luante rolin e parë kryesor në serialin “Muhtesem Yuzyil”. Në vitin 2012, ishte shpallur ‘Femra e vitit’ nga versioni turk i revistës GQ. /Telegrafi/