Nga përfaqësues të Shoqatës “Çamëria” të Kosovës, shoqatës patriotike të Shqipërisë, liderë të Luginës së Preshevës si dhe dhjetëra qytetarë u kërkua bashkimi i Luginës së Preshevës me Kosovën, duke mos lënë anash as trojet tjera shqiptare.
Marshi nisi nga Biblioteka Kombëtare në Prishtinë, në krye me një flamur me mbishkrimin “Çamëria” dhe vazhdoi deri te sheshi “Skënderbeu”, ku organizatorët mbajtën fjalime.
Kryetari i shoqatës “Çamëria”, në Kosovë, Nexhmi Muçiqi, tha se sot kanë dalur për të treguar se populli shqiptar do bashkimin.
Ai po ashtu tha se këto shoqata nuk janë pjesë e ndonjë partie, me ç’rast edhe përshëndeti idenë e presidentit Thaçi për bashkimin e Kosovës Lindore më Kosovën.
“Ju zotëri të nderuar nuk e keni marrë votën në asnjë mënyrë për t’i copëtuar trojet shqiptare dhe nuk guxojmë as të imagjinojmë se do të vulosnit copëtimin të padrejtë që na e bënë armiqtë tanë shekullor. Ne iu kemi votuar që të na udhëhiqni në proceset e bashkimit. Mos u frikësoni vëllezër të politikës shqiptare, merreni guximin dhe thuajuni troç edhe miqve tanë ndërkombëtar, sepse, duke iu thënë të vërtetën mbi tragjedinë që përjetoi kombi shqiptar, ju po e kryeni amanetin e nënave dhe baballarëve që na lindën, rritën, ushqyen e shkolluan me shumë mund”, ka thënë Muçiqi, raporton KP.
Ndërsa, Ismail Selmani, i njohur si komandant “Mala”, tha se shqiptarët janë popull autokton.
“Shoqëria patriotike “Çamëria” në Kosovë bashkë më atë në Tiranë nuk është e interesuar t’i bashkojë vetëm Luginën e Preshevësm Medvegjën e Bujanovcin, por shoqata “Çamëria” në Kosovë në projektin e saj synon t’i bashkojë të gjitha trevat shqiptare, kudo ku flitet shqip kudo ku ka abetare shqip dhe ku ka gjithçka vetëm shqip”, ka thënë Selmani.
Kurse përfaqësuesi i Luginës së Preshevës, Ragmi Mustafa tha se për Luginën kjo është një ditë madhështore. Ai tha se ka ardhur momenti që Lugina të mos quhet Kosovë Lindore, por lindje e Kosovës.
Ai po ashtu kërkoi që të hiqet taksa 10 për qind për bizneset shqiptare në Luginë.
“Mbështetja asocion në ribashkimin e Preshevës, Medvegjës e Bujanocit me trungun e Republikës së Kosovës, aty ku e ka pas vendin prej kohësh. Në këtë proces, në këtë fazë, në këtë kohë kur kaluan plot 29 vite kur Gjermania Lindore i bashkohet asaj perëndimore, së cilës i gëzohet shumë çdo gjerman në të dyja anët dhe zonja Merkel, jo më larg se vitin e kaluar ofrohet pranë një cope muri, Berlini i mbetur për histori, e puth dhe thotë ëndrrat u bënë realitet. Tani ëndrra e shqiptarëve të Kosovës Lindore, është momenti kohor të bëhet realitet”, ka thënë Mustafa.
Kurse kryetari i shoqatës patriotike “Çamëria” në Shqipëri, Driton Sejko tha se sot kanë ardhur t’i përkrahin banorët e Luginës.
“Sot jemi mbledhur për të kërkuar bashkim kombëtar e për të përkrahur vëllezërit tanë të Luginës. E kemi thënë se Lugina rrezikon të bëhet Çamëria e dytë nga politikat e shpopullimit që ndjek Beogradi. Por ne shqiptarët kudo që jemi, në Shqipëri, Kosovë, Iliridë, Mal të Zi, Çamëri e në të gjitha trevat, rruga është vetëm një, të bashkohen shqiptarët në mes vetes e t’i shohin kufijtë si konvencionalë, t’i bëjmë ato të padukshëm e t’i bashkojmë shpirtrat dhe zemrat, ekonominë, arsimin, kulturën dhe gjuhën”, ka thënë Sejko.
Qytetarët marshuan me pankarta që përcollën mesazhe se Shqipëria, Kosova, Ilirida, Çamëria, Sanxhaku, Mërgata e Malësia janë me Luginën. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Aksident në rrugën Tetovë – Shkup, devijohet komunikacioni
Ushtarë të RMV-së do të marrin pjesë në stërvitje në Bullgari dhe Gjermani dhe operacionin e NATO-s në Kosovë
Dëshmitari thotë se i akuzuari për krime lufte në Vushtrri e kishte goditur me armë në fytyrë
Zyrtare: Kosova aktualisht nuk është në agjendën e mbledhjes së Komitetit të Ministrave të Këshillit të Evropës
Zbulohet receta e dhënë nga mjeku neuropsikiatër për nënën që u vetëvra me 3 fëmijët në lumin Buna
Deputeti i PDK akuzon ministrin Sveçla: Ka ndërmarrë veprime në veri pa e pyetur fare drejtorin e Policisë
Pas Danimarkës edhe Austria planifikon marrëveshje që të burgosurit të vuajnë dënimin në Kosovë
Hakerët rusë sulmojnë faqet e institucioneve, Gërvalla: Rusia po kryen sulm hibrid ndaj Kosovës
Policia e Kosovës gjen kamera në rrugët malore në kufirin Kosovë-Serbi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'