Myftinia e Arabisë Saudite, dekada me radhë e kryesuar nga persona me aftësi të kufizuara

Nga viti 1993 e deri në vitin 1999, kryemyfti i Arabisë Saudite ka qenë Abdullahn bin Abdul Aziz bin Baz, i cili gëzonte një autoritet të lartë në mesin e shoqërisë saudite.

Ai ishte lider dhe ruajtës i rreptë i vijës lokale politike fetare në interpretimin e fesë islame, brenda shtetit të vet dhe jashtë tij.

Bin Bazi konsiderohej si dijetari më i madh i Arabisë Saudite, mirëpo fatkeqësisht ishte person me aftësi të kufizuara, gjegjësisht i verbër, i cili nuk po shihte botën e afërt që po e rrethonte, e as atë të largët.

Ndërsa, nga viti 1999 dhe aktualisht, në po të njëjtën pozitë të lartë fetare vazhdon të jetë pasardhësi i tij gjithashtu me aftësi të kufizuara – i verbër, Abdul Aziz bin Abdullah bin Muhamed bin Abdul-letif Al- Shejh!

Ndryshe, Al-Shejhi në vitin 2012 kishte lëshuar një dekret fetar – fetva – mbi rrënimin e të gjitha kishave në Gadishullin Arabik. Deklarimi i tij i kishte acaruar tej mase autoritetet kishtare të shumë vendeve perëndimore. Ishte kryetari i Dijanetit të Turqisë, Mehmet Gormez, i cili me këtë rast pat reaguar kundër dekretit të Al-Shejhit, që sipas tij binte në kundërshtim me vet mësimet dhe traditën fetare historike islame.

Në pozitat e tyre si kryelider fetar të vendit (Kryemyfti), edhe i pari edhe i dyti janë emëruar me urdhër mbretëror, sepse ndryshe në këtë vend edhe nuk mund të ndodhë.

Pyetja e cila mund të lind nga kushdo për rastin e këtyre dy personaliteteve fetare më të lartat në hierarkinë e Arabisë Saudite është si vijon:

Pse në mesin milionave sauditëve u përzgjodh pikërisht më herët Bin Bazi dhe pas tij Al-Shejh – që të dy me aftësi të kufizuara- të verbër?!

A nuk ishte e mundur që në mesin e miliona banorëve sauditë të gjendej një dijetar i përmasave të tyre fetare dhe intelektuale, i cili përveç dëgjimit do të mund të shihte edhe botën e cila e rrethon?!

Kanë kaluar më shumë se 24 vite kur kryemyftitë e Arabisë Saudite nuk shohin dritën me sytë e tyre, por vetëm dëgjojnë gjithë atë që ju thuhet për ndodhitë e vendit të vet dhe të botës në përgjithësi.

Se sa janë kredibile dhe sa ja vlen që qëndrimet e tyre fetare të merren në konsideratë edhe jashtë vendit te tyre, besoj se nuk ka nevojë për shumë shtjellim!