Policia gjen “fabrikën” e parave false, konfiskohen miliona euro dhe dollarë në Bullgari

Autoritetet bullgare bastisën një shtypshkronjë të hënën, në të cilin po prodhoheshin para të falsifikuara dhe konfiskuan monedha të rreme euro dhe dollari me vlerë më shumë se 14.3 milionë dollarë, tha ministria e brendshme të hënën.

Sipas mediave të huaja, përcjell Telegrafi, forcat e posaçme për luftimin e krimit të organizuar bastisën një bodrum në një hotel në vendpushimin e Detit të Zi në Sunny Beach dhe konfiskuan disa monedha 100 dhe 500 euro, si dhe 50 dollarëshe.

“Nga shtypshkronja dhe nga vende tjera të fshehta, janë konfiskuar mbi 11 milionë euro të rreme dhe mbi 1.7 milion dollarë”, thuhet në deklaratë.

Bastisja në shtypshkronjë, më e madhja që do të zbulohej për 11 vjet, si dhe rreth 30 vende të tjera në shtetin ballkanik, ndoqën një hetim 10-mujor të mbështetur nga Europol dhe inteligjenca e SHBA.

Shtypshkronja kishte pajisje të sofistikuara duke bërë monedhat e cilësisë së lartë, thanë prokurorët që mbikëqyrën operacionin, duke shtuar se katër vetë u arrestuan. /Telegrafi/