Google ka aftësinë të kontrolloj një telefon nga distanca

Google bëri një gabim shumë publik javën e kaluar dhe po e tërheq përsëri spektrin e dyshimit.

Javën e kaluar, përdoruesit e Android filluan të raportonin se telefonat e tyre kishin aktivizuar opsionin për ruajtjen e baterisë (Battery Saver) në mënyrë misterioze, vetvetiu, pavarësisht nëse bateritë e tyre kishin nevojë për kursim ose jo. Pajisjet e ngarkuara plotësisht filluan të ulnin shpejtësinë, duke ndaluar përditësimet e sfondit, në dukje për shkak të një gabimi në përditësimin e Android P, siç raportoi Android Police.

Por kjo nuk ishte një gabim. Sipas një prej llogarive zyrtare të Reddit të kompanisë, vetë Google ishte përgjegjës. Kompania po bënte “një eksperiment të brendshëm për të testuar veçoritë e ruajtjes së baterisë që u përdorën gabimisht në më shumë përdorues se sa synohej”, sipas deklaratës.

Nëse nuk e keni ndjekur Google nga afër për dekadën e fundit, mund të habiteni që një kompani ka kaq shumë kontroll. Është veçanërisht e habitshme kur konsideroni se telefonat që nuk janë ndërtuar nga Google – Telefoni Essential, Nokia 7 Plus dhe OnePlus 6, sipas Android Police – u prekën gjithashtu nga eksperimenti.

Por nëse e keni ndjekur Android që nga dita e parë, mund të kujtoni se Android ka pasur të paktën një ndërprerje nga fillimi . Kompania e përdori atë vetëm dy herë, në 2010 dhe 2011, për të shuar plotësisht aplikacione të panevojshme që ajo i konsideronte të dëmshme.

Apple është kapur kohët e fundit duke e kufizuar performancën e telefonave të vjetër për të kompensuar bateritë e tyre të vjetruara. Për krahasim, Google thjesht ndryshoi një karakteristikë të bezdisshme për një ditë. Dhe nuk ka asnjë arsye për të besuar se ndonjëra prej ndërmarrjeve do të bënte diçka të devijuar, për shembull, degradimin e baterisë së telefonit më herët për t’ju bërë të blini një të ri.

Për herë të parë në vite, gabimet e këtyre kompanive na kujtojnë se një thyerje e tillë e besimit është potencialisht vetëm një klikim larg, dhe na bën të mendojmë se çfarë gjëra të tjera mund të kontrollojnë nga distanca dhe çfarë lloje masash sigurie janë vendosur për të mbajtur punonjësit nga abuzimi me atë fuqi.

Google nuk iu përgjigj kërkesave për koment. /Telegrafi/