Pronari arkitekt shpenzoi mbi 500 mijë dollarë në të, por ajo u shpallë shtëpia më e shëmtuar në Britani (Foto)

Një arkitekt i zemëruar, shtëpia e të cilit tanimë vlerësohet rreth 1 milion dollarë është futur në listën e ngushtë të një konkursi në të cilin zgjidhen ndërtesat më të shëmtuara të Britanisë së Madhe.

Sipas mediave të huaja, përcjell Telegrafi, shtëpia ekologjike e Chris Moore në Streatham, në jug të Londrës u rendit në listën e ngushtë të konkursit vjetor të revistës Building Design Magazine të Carbuncle Cup, e cila rendit ndërtesat “më të këqija” në vend.

Ndërsa konkursi u fitua nga një kompleks i cili shfrytëzohej për kalimin e kohës së lirë dhe për parkim të makinave, gjyqtarët e përshkruan shtëpinë e portokalltë të Moore, pronë trekatëshe, më shumë si diçka që përngjanë me një nënstacion elektrik sesa një shtëpi.

Por Moore, i cili ka studiuar në London’s Bartlett School of Architecture dhe jeton në shtëpinë në vlerë prej rreth 1 milion dollarëve me të fejuarën e tij dhe vajzën e tij 20-muajshe, ka akuzuar gjyqtarët.

Madje, duke folur për mediat lokale, Moore tha se emërimi i shtëpisë së tij “e vuri në pikëpyetje vlefshmërinë e çmimit”.

Ai tha: “Shtëpia ime nuk ka ndikim tek dikush tjetër përveç disa njerëzve që jetojnë në rrugën time”.

“Kjo është një çështje lokale dhe nuk duhet të krahasohet me ndërtesat e tjera të nominuara”.

Ai këmbëngul se çmimi do të ishte më i dobishëm duke nënvizuar “abuzimet e mëdha të hapësirës publike”.

Siç bëhet e ditur, Moore ka shpenzuar rreth 360,000 dollarë në ndërtimin e shtëpisë pas pagimit prej rreth 200 mijë dollarëve për tokën në vitin 2013. /Telegrafi/