Sllovenia pa Luka Doncicin në kualifikimet e Kupës së Botës

Luka Doncic nuk do të luajë për ekipin kombëtar të Sllovenisë gjatë kualifikimeve për Kampionatin Botëror.

Trajneri Rade Trifunovic nuk llogaritë në lojtarin më të mirë slloven për ndeshjet e shtatorit me Letoninë (14) dhe Turqinë (17).

Gjithashtu nuk do ta ketë në dispozicion as Klemen Prepelicin, të cilin nuk e ka liruar Real Madridi.

Sllovenia është në Grupin I, ku gjenden edhe Spanja, Mal i Zi dhe Ukraina dhe është në një pozitë të vështirë përpara fillimit të raundit të dytë të kualifikimeve.

Kampioni i Evropës është i fundit në tabelë me tetë pikë, Mali i Zi dhe Ukraina kanë secila nga nëntë, Letonia dhe Turqia kanë nga dhjetë sosh gjersa Spanja është lider me 12 pikë.

Në kampionatin botëror të basketbollit që do të mbahet vitin e ardhshëm do të shkojnë tre skuadrat më të mira të grupit.

Sllovenia ka ftuar Matic Rebec, Edo Muric, Aljaz Bratec, Jakob Cebasek, Ziga Dimec, Urban Durnik, Gregor Glas, Miha Lapornik, Blaz Mahkovic, Blaž Mesicek, Gasper Vidmar, Luka Voncina, Sasha Zagorac, ndërsa Vlatko Cancar, Gregor Hrovat, Juri Macura, Luka Rupnik dhe Anthony Rendolf do t’i bashkohen ekip më 9 shtator. /Telegrafi/