Gjatë rrugës për në një takim, kryetari i Komunës së Kamenicës dhe një shqiptar etnik, Qendron Kastrati, përshëndet një anëtar të stafit, një serb etnik, edhe pse nuk flet serbisht.
Kështu e fillon shkrimin Financial Times, shkrim i cili i kushtohet kryetarit të Komunës së Kamenicës, i cili sipas këtij mediumi po kërkon të kapërcejë ndarjen etnike.
Po sipas këtij mediumi, përcjell Telegrafi, kjo edhe është arsyeja pse zoti Kastrati thotë se ka bërë diçka shumë të pazakontë në këtë shtet të vogël ballkanik: ai caktoi një zëvendëskryetar serb për të komunikuar jo vetëm me punonjësit e tij, por edhe me votuesit e tij serbë, të cilët përbëjnë rreth 5 për qind të popullsisë së komunës.
Sipas FT, pas një sërë luftërave të përgjakshme në Ballkan që çuan në krijimin e Kosovës moderne, shumica e serbëve u larguan nga vendi, duke u frikësuar nga hakmarrjet.
Pothuajse dy dekada më pas, ata që përbëjnë vetëm rreth 5 për qind të popullsisë së përgjithshme prej 1.8 milion dhe jetojnë kryesisht të ndarë nga shumica e komunitetit etnik shqiptar.
Kastrati, 30 vjeç, u bë kryebashkiaku më i ri i Kosovës në dhjetor me një premtim të mrekullueshëm: ta bënte qytetin e vogël një komunitet të vërtetë shumë-etnik.
“Kamenica duhet të jetë një model i mirë për Kosovën e unitetit dhe të jetuarit së bashku”, i tha ai Financial Times në një kafene pranë zyrës së tij. “Gjithkush është shtetas dhe duhet të trajtohet si i tillë”.
Qasja e tij është e rrallë në një vend që është prekur së voni nga lufta.
Marrëdhëniet ndërmjet serbëve dhe shqiptarëve kanë qenë subjekt i negociatave për dekada, të ndërmjetësuara së pari nga OKB dhe tani nga BE, të cilave organizata, sikurse Kosova edhe Serbia duan t’u bashkohen.
E ardhmja e serbëve etnikë të Kosovës mbetet prioritet i lartë i bisedimeve, por fokusi shpesh ka qenë në ruajtjen e të drejtave të pakicave sesa në integrimin e dy komuniteteve.
“Qasja e përgjithshme e bashkësisë ndërkombëtare në Kosovë dhe qeverisë sonë ka qenë të reduktojë kufijtë përgjatë vijave etnike, duke menduar se sa më shumë serbë do të jenë në komuna, aq më shumë ata mund të ushtrojnë të drejtat e tyre”, citohet Krenar Gashi, një shkencëtar politik kosovar në Universiteti Ghent.
Sipas marrëveshjeve të negociuara në Bruksel, një i ashtuquajtur “Asociacioni i komunave me shumicë serbe” do t’u japë serbëve një shkallë të vetëqeverisjes në fusha duke përfshirë kujdesin shëndetësor dhe arsimin. Shumë serbë besojnë se pa këtë trup të ri, ata do të jenë vazhdimisht të margjinalizuar.
Megjithatë, shkruan tutje FT, shumë shqiptarë të Kosovës kanë protestuar, duke u shqetësuar se mund të krijojë një bllok në mënyrë disproporcionale të fuqishëm që mund të frustrojë vullnetin e shumicës.
Ndërsa bisedimet vazhdojnë, tensioni është rritur, me presidentët e Kosovës dhe Serbisë hapur duke diskutuar ndryshimin e kufijve.
Në këtë kontekst, qasja përfshirëse e Kastratit ka fituar vëmendjen kombëtare.
Ai ka instaluar kabinat e përkthimit në kuvendin komunal, kështu që serbët mund të marrin pjesë plotësisht në takime.
Ai ka më shumë gra sesa burra në kabinetin e tij, një gjë e rrallë në Kosovë, ku pjesëmarrja e femrave në fuqinë punëtore është më e ulëta në Evropë.
Kastrati tha se shpresonte të tërhiqte investime të huaja për të bindur të rinjtë e Kamenicës të qëndronin në qytetin e 30,000 banorëve.
Iniciativa e tij kryesore është një shkollë e përbashkët ku fëmijët serbë, shqiptarë dhe romë mund të marrin pjesë së paku në disa klasa së bashku.
“Ndryshimi duhet të fillojë me fëmijët dhe ata duhet të mësojnë të komunikojnë, të fshijnë gjykimet dhe paragjykimet”, tha Bojan Stamenkoviç, nënkryetari i Komunës.
Gjithmonë siç shkruan FT, qasja e Kastratit rrjedh pjesërisht nga përvoja personale. Babai i tij, i cili mbështeti të drejta të barabarta për shqiptarët etnikë në ish-Jugosllavi, ishte një i burgosur politik për 12 vjet dhe vdiq duke luftuar kundër forcave serbe. Por ai kurrë nuk i pa çështjet e politikave përgjatë vijave etnike.
“Babai im nuk kishte probleme me serbët, ai ishte kundër regjimit, ai donte lirinë”, ka thënë Kastrati, i cili ishte 10 vjeç kur babai i tij u vra. /Telegrafi/
Promo
Reklamo këtuLufta Prigozhin - Putin
Më shumëNga Rubrika
PDK, LDK dhe AAK fajësojnë Qeverinë Kurti pasi Kosova shënoi rënie sa i përket lirisë së mediave
Shqiptohen 100 masa në Shkup, 14 për drejtim të automjetit pa patentë shofer
Mediat në Ballkan, politika, ndikimi dhe sulmet ndaj gazetarëve “Reporterët Pa Kufij” japin alarmin e shqetësimin
Dita botërore e lirisë së shtypit, raporti i “Reporterëve pa Kufij” - Kosova shënon rënie për 19 vende
Gjilan, një person refuzon të ndalet para policisë - polici përmes xhamit ia merr çelësat dhe fikë veturën e tij
“Ushtria digjitale” e Kurtit në front kundër gazetarëve
Ferizaj, një grua raporton se vajza e saj është marrë nga një person i panjohur - dyshohet se ka kryer marrëdhënie seksuale me të
Anëtarësimi i Kosovës në KiE-së, Kosova dhe Zvicra mbajnë takimin konsultativ
Rama: Spitali i Kryeqytetit po bëhet, shumë shpejt projekti do të tenderohet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe