Policia e Kosovës ka ushtruar dhunë ndaj aktivistëve të Vetëvendosjes, Çlirim Gerbeshi dhe Atdhe Arifit, të cilët u arrestuan më 10 gusht pasi kishin hedhur ngjyrë të kuqe në protestën kundër ndaljes së dhunës ndaj grave.
Kështu deklaroi aktivistja e Lëvizjes Vetëvendosje, Arta Berisha, e cila tha se ngjyra e kuqe është hedh vetëm në institucion dhe në asnjë moment nuk është sulmuar asnjë zyrtar policor.
“Ne në asnjë moment nuk e kemi sulmuar asnjë zyrtar, bile edhe qëllimi i aksionit nuk ka qenë ajo. Bile, keqtrajtim ka pasur nga ana e Policisë karshi protestuesve, të rrahur kanë qenë aktivitet Çlirimi dhe Atdheu. Ajo çka është me rëndësi për ne nuk është potencomi i ngjyrës së hedhur ose ngjyrës së kuqe në institucione, por është e rëndësishme kauza për çka është bërë ajo. Ne kemi çdo ditë gra që po dhunohen dhe po masakrohen çdo ditë, kemi gra që po vriten dhe policia po hesht dhe po hesht e gjithë shoqëria. Kjo është problem më i madh që ne duhet me u marr dhe jo me ngjyrën e kuqe në institucione”, tha ajo.
Rinë Zhitia, aktiviste në Lëvizjen Vetëvendosje, tha se gratë po vriten çdo ditë, derisa Policia e Kosovës nuk po merr masa, duke shërbyer vetëm si mjet justifikues për ta. Sipas saj, Policia e Kosovës është duke trajtuar dhunën ndaj grave si diçka të mbyllur dhe private.
“Sigurisht keni dëgjuar për rastin që babai me dy djemtë i kanë rrahur nënën dhe dy motrat. Ky lajm u raportua para dy ditësh. Të tre janë liruar dje në orën 18, pa proces gjyqësor. Ato tri gra mund të jenë ende të lënduara, me plagë të hapura. Por ata që ua shkaktuan plagët u liruan vetëm pas dy ditësh, ironikisht nga i njëjti vend ku po mbaheshim dhe ne. Pra, policia nuk është kundër dhunës, është përkrahëse e dhunës. Kjo polici i ka duart me gjakun e grave”, u shpreh ajo.
Elona Kurti theksoi se pas keqtrajtimit nga ana e policisë, kanë marrë tretman mjekësore, ndonëse me vonesë.
Ndërsa deputetja nga radhët e Lëvizjes Vetëvendosje, Saranda Bogujevci, tha se megjithëse iu është ofruar ndihmë, ka qenë e vështirë të marrin ndihmë në atë moment.
“Tek më vonë fillon me i vërejt pasojat e forcës që është përdorur. Edhe pse ka pasur mjek, ka qenë goxha e vështirë me marrë ndihmë në atë moment, sepse forca që u ushtrua ndaj aktivistëve, tek më vonë janë vërejtur pasojat”, tha Bogujevci.
Ajo pati edhe një lutje, që çdo ditë të ngritet zëri i grave, që të flitet e të protestohet që të ndalet dhuna ndaj grave. Sipas saj, Kosova është një vend i vogël me numër të madh të grave që po keqtrajtohen.
“Jemi vend shumë i vogël me numrin e madh që e kemi të grave që janë vrarë në këtë vend dhe që po keqtrajtohen. Duhet të kërkojmë gjatë gjithë kohës përgjegjësi nga institucionet dhe policia. Është e papranueshme që gjithherë jepen arsyetime por nuk merret asnjë përgjegjësi”, tha ajo.
Ndryshe, protesta e mbajtur më 8 gusht, kishte përfunduar me tetë të arrestuar nga ana e Policisë të Kosovës.
Aktivistët e Lëvizjes Vetëvendosje, të arrestuar të premten pas aksionit gjatë të cilit hodhën ngjyrë të kuqe në drejtim të Policisë, janë liruar.
Arta Berisha, Elona Kurti, Patrik Domi, Rinë Zhitia, Çlirim Gërbeshi e Atdhe Arifi, ishin ndaluar nga Policia për 48 orë. /Telegrafi/
Lufta Prigozhin - Putin
Më shumëNga Rubrika
Dita kombëtare e të zhdukurve, Osmani: Pas anëtarësimit në KiE, familjarët e të pagjeturve do të mund të padisin Serbinë
Konventa e Partisë së Lirisë, Meta: Pas këtij forumi do të kemi një parti tjetër, Kryemadhin s’e kam larguar
“Gladiatore me taka”, Kryemadhi: Familja më e rëndësishme se politika
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Takimi i Kurtit me Baerbock, Ministria e Jashtme Gjermane: U diskutua se si t’i hapet rruga anëtarësimit të Kosovës në Këshill të Evropës
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
A do t'i "shpëtojë" Albin Kurti Asociacionit të komunave me shumicë serbe, flasin analistët
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë