Akulloret “Romeo and Giulia”, thyejnë pritshmërinë e shitjes

Tregut të akulloreve në Kosovë javën e kaluar i është shtuar edhe një brend gjerman, është kjo akullorja “Romeo & Giulia”, produkt i kompanisë gjermane “Lumen GMBH” që vjen për herë të parë në Kosovë, me pikë shitëse në qendrën tregtare “Albi Mall” në Veternik.

Pronari i kompanisë “POSITIVE SH.P.K” që përfaqëson programin “Romeo & Giulia”, z. Pleurat Vokshi deklaron se përveç akullores me një asortimentë të gjërë dhe me shije të veçantë, ata kanë sjellë nga kompania “Lumen” edhe risi të tjera, siç janë makinat e akullores së freskët, të cilat sterilizohen në mënyrë automatike dhe bëjnë pasterizimin e lëndës së parë.

Akulloret përveç shijes fantastike po ashtu edhe emërtimet i kanë mjaft interesante, si: Massim, Carlo, Matteo , Milva, Carmela, Piccolina, Filippo, Giulia, Sophia etj. ‘Romeo and Giulia’ është një brend gjerman prej kompanisë ‘Lumen’, e cila është një korporatë prodhuese për makinat e akullores “Soft Ice Cream” “Frozen Jogurt” dhe “Milk Shake”, të gjitha të prodhuara të freskëta aty për aty.

“LUMEN GMBH” është e vetmja kompani prodhuese, e cila e ka zbuluar sistemin e mbyllur të pasterizimit për lëndën e parë në formë automatike dhe e cila posedon patentë për gjithë botën. Gjithashtu makinat sterilizohen (vetë-pastrohen) në mënyrë automatike dhe funksionojnë me sistem të mbyllur. Mund të themi që është një kompani, e cila ka fituar shumë çmime për sa i përket higjienës dhe kualitetit, së fundmi LUMEN ka fituar edhe cmimini e dizajnit më të mirë ka thënë Vokshi.

Gjithashtu z. Vokshi, konfirmon që fal këtyre karakteristikave të avansuara të makinerisë, akullorja prodhohet e freskët aty për aty për dallim të makinave të tjera ku akullorja prodhohet më heret e pastaj behet vetëm mbushja, makinat e kompanisë LUMEN GMBH si rezultat i karakteristikave që posedojne ofrojnë një kualitet të lartë ku në të njejtën kohë higjiena dhe sterilizimi i makinerisë është sekreti kryesore i kualitetit.

Ndihem i priveligjuar që kam një partner si kompania e mirënjohur gjermane në mbarë botën “LUMEN GMBH”, produktet e së cilës ofrojnë një kualitet premium dhe higjiene të pa kompromis. Me shumë modesti themi se është tejkaluar pritshmëria e shitjes edhe pse vetëm një javë prej se është bërë hapja.

Ndërsa drejtori i eksportit të Kompanisë “Lumen GMBH”, z. Rainer Stoecker konfirmoi se kompania e tyre është e para që ka bërë zbulimin e pasterizimit të lëndës së parë të cilin zbulim posedojnë patentën, ata janë kujdesur që të kenë prioritet higjienën dhe kualitetin e produkteve të tyre.

“Firma jonë ‘Lumen GMBH’ posedon një traditë më shumë se 50 vite. Prej kohësh e deri më tani e tutje punohet që çdo vit të zhvillojmë produktin tonë që konsumatorëve t’i ofrojmë një kualitet dhe shije të veçantë. Higjiena dhe kualiteti e kanë vendin e parë në firmën tonë dhe gjithçka që ju sot konsumoni nga Romeo & Giulia Kosovë është prej Gjermanisë”, ka thënë z. Stoecker.

Ndër personat që po prisnin në radhë për akullore ishte edhe familja Sylejmani, të cilët pasi që shijuan akulloret Romeo & Giulia, u deklaruan se shija e akulloreve ishte fantastike. Sipas tyre në Kosovë nuk ju ka rastis të shijojnë një akullore të këtij lloji ngase ata me vendbanim ishin në Zvicër ndërsa në Kosovë kishin ardhur për pushime.

Pika e parë e kësaj akulloreje është hapur në Prishtinë, por z. Vokshi ka thënë se janë duke punuar për ta zgjeruar biznesin edhe në vendet e tjera të Kosovës si dhe shtetet e tjera të regjionit.