Kishin angazhuar kujdestare që të kujdeset për familjaren e tyre, u habitën kur panë filmimet e kamerave të fshehta – ajo e rrëzon 94-vjeçaren (Video)

Familjarët e një gruaje 94-vjeçe mbetën të habitur kur panë pamjet e filmuara nga kamerat e fshehta të vendosura në dhomën e saj të gjumit – ata ishin dëshmitarë kur kujdestarja të cilën e kishin paguar për t’u përkujdesur për familjaren e tyre të moshuar rrëzohet mbi të.

Në video shihet Phamie Sutherland brenda shtëpisë së saj në Lumphinnans me kujdestaren që e kishte angazhuar familja e të moshuarës, dhe në momentin që ajo tenton të ngritet në këmbë, kujdestarja në vend se ta ndihmon përfundon e rrëzuar mbi të, transmeton Telegrafi.

Sipas mediave ndërkombëtare, Sutherland ishte lëshuar nga spitali vetëm tri orë para se kujdestarja ta rrëzonte dhe të përfundonte mbi të. Autoritetet përkatëse kanë filluar hetimet për incidentin.

Ndërkaq e bija e viktimës, Agnes Sutherland, ka pranuar se kishte mbetur e shokuar me atë çfarë kishte parë nga kamerat e fshehta të instaluara në shtëpi.

Dhe sikur kjo të mos mjaftonte kujdestarja ishte munduar ta fsheh të vërtetën, duke i thënë familjarët se e moshuara kishte rrëshqitur dhe se ajo nuk kishte të bënte asgjë më lëndimin e saj.

Por, pamjet e filmuara nga kamerat e dëshmuan krejtësisht të kundërtën. /Telegrafi/