Botë Nga Bota

Britanikët e shpëtuan nga lufta në Libi, ai u hodhi bombën në Manchester

British survey ship HMS Enterprise makes its way on August 4, 2014 into the Grand Harbour, in Valletta after evacuating from Libya 110 Britons, including 30 children, 12 infants, four pregnant women and one elderly and sick person, as worsening security there is forcing thousands to flee. Britain is also planning to temporarily suspend its embassy operations in the troubled north African country, the Foreign Office said. Sunday's operation resembles one conducted in 2011 during the bloody uprising that ousted the dictator Moamer Kadhafi, when a Royal Navy ship evacuated foreigners. AFP PHOTO / MATTHEW MIRABELLI (Photo credit should read Matthew Mirabelli/AFP/Getty Images)

Para 7 vitesh

Autori i sulmit me bombë në Manchester, ishte shpëtuar nga marina mbretërore e Britanisë nga lufta civile që kishte shpërthyer në Libi në 2014.

Ndërkohë në majin e 2017 ai hodhi vetën në erë në përfundim të koncertit të këngëtares Ariana Grande, në Manchester Arena, duke shkaktuar 22 të vdekur mes tyre 7 fëmijë. Ky ishte një ndër sulmet më të rënda që tronditën Britaninë.

Salman Adebi ishte 19 vjeç kur hipi në anijen e marinës në Tripoli në gusht 2014 me vëllanë e tij të ri, Hashem, së bashku me 100 qytetarë të tjerë britanikë, zbulon Daily Mail.

Emri i Abedit ishte në një listë të qytetarëve që iu dorëzuan ekuipazhit përgjegjës për evakuimin. Anija i mori ato në Maltë, për tu dërguar më pas në Britaninë e Madhe

Një zëdhënës i qeverisë tha se gjatë përkeqësimit të situatës në Libi, në 2014, zyrtarët e Forcës kufitare ndihmuan në evakuimin e shtetasve britanikë dhe vartësve të tyre.

Abedi ishte mbajtur në monitorim nga shërbimet e sigurisë ndërsa udhëtonte për në Libi, por dosja e tij ishte mbyllur një muaj pas shpëtimit.

Një burim i qeverisë tha për Daily Mail: Ishte një veprim mizor, tradhti absolute nga një njeri që e shpëtuam nga lufta në Libi.

Përgjegjësinë për shpërthimin e mori Shteti Islamik

Abedi kishte lindur në Mançester në vitin më 1994, i treti nga katër fëmijë, tre djem dhe një vajzë.

Prindërit e tij ishin emigrantë libianë që u vendosën në këtë qytet verior të Anglisë pasi kishin ikur nga regjimi i Moammar Gadhafit në vitin 1980.

Babai i tij, Ramadan Abedi, një ish-roje sigurie në Aeroportin e Manchesterit, ishte kthye në Libi në vitin 2011 për t’u bashkuar me kryengritjen kundër diktatorit libian.

Që nga përmbysja e Gadafit, përcjell oranews.tv, prindërit e tij kishin kaluar më shumë kohë në Libi sesa në shtëpinë e tyre në Mançesterin e jugut, më pak se 3 kilometra nga skena e sulmit me bombë.

Një burim nga Siguria i cituar nga Daily Mail nënvizon se nuk besonte se Abedi ishte radikalizuar në kokën kur ishte shpëtuar nga Marina Mbretërore. Ai u radikalizua më vonë pasi shihte video në youtube si përgatiteshin bombat dhe materiale terroriste në internet.

“Ai ishte një qytetar britanik dhe ishte detyra jonë ta shpëtonim. Salman ishte një ndër njerëzit tanë të shumtë atje dhe duhej ta evakuonim me çdo kusht. Nuk përbënte kërcënim atë kohë dhe ishte në një kontekst tërësisht tjetër”.

Burime të tjera thonë se Abedi, ishte në vijën e parë të luftës në krah të Xhihadit në Ajdabiya në lindje të Libisë.

Por familjarët dhe miqtë e tij e hedhin poshtë: Salman dhe Hashem nuk ishin të përfshirë në asnjë luftë dhe kaluan shumë kohë me nënën e tyre në Tunizi.