Shikimi i dobësuar ka lidhje me dobësimin e mendjes së kthjellët?

Shikimi jo i mirë dhe dobësimi i funksioneve mendore janë të shpeshtë te personat e moshuar

Reciprokisht janë të lidhura, mirëpo është çështje se a do të ndikojë shikimi i dobët në shëndetin mendor apo anasjelltas, ka konstatuar ekipi në punimin e publikuar në revistën JAMA Ophthalmology.

Shkencëtarët këtë studim e kanë bërë në periudhën prej tetë vjetësh ku kanë ndjekur 2.520 persona të rritur, duke studiuar të shikimin e tyre dhe aftësitë mendore çdo vit.

Gjatë hulumtimit është konstatuar që dobësimi mesatar i shikimit i është përgjigjur mesatarisht humbjes së aftësisë së leximit të një rreshti të germave në testin e shikimit.

Personat të cilët në fillim të hulumtimit kanë pasur shikim të dobët kanë pasur edhe rezultate të dobëta në testin e aftësive mendore, transmeton Telegrafi.

Është vërejtur që gjendja e shikimit të personave të përfshirë në studim në kontrollimin paraprak është shprehur në gjendjen e aftësive mendore në kontrollimin pasues.

Është vërejtur që gjendja e shikimit të personave të përfshirë në studim në kontrollimin paraprak është shprehur në gjendjen e aftësive mendore në kontrollimin pasues.

Edhe pse gjendja e funksioneve mendore në kontrollim është shprehur në gjendjen e shikimit në kontrollimin pasues, efekti i dobësimit të shikimit në funksionet mendore ka qenë dukshëm më i fuqishëm.

Hulumtuesit nga Universiteti i Miamit, tërheqin vërejtjen që mekanizmi i ndikimit të dobësimit të shikimit në rënien e funksioneve mendore nuk është i njohur dhe shton që dobësimi i shikimit i dekurajon njerëzit që të merren me aktivitete të cilat stimulojnë trurin siç janë zgjidhja e fjalëkryqeve ose komunikimi me njerëz të tjerë.

Mjekët rekomandojnë kontrolle të rregullta të syve te të moshuarit, si edhe kontrolle të jashtëzakonshme me rastin e cilado prej simptomave të syve. /Telegrafi/