Maqedoni, arrihet konsensus për ligjin për fshirje të interesit në kthimin e borxhit

Deputetja Sonja Mirakovska nga shumica parlamentare sot në konferencë për shtyp shprehu kënaqësinë nga konsenzusi i arritur mes partive në pushtet dhe partive opozitare për propozim dhe miratim të një ligji për fshirje të interesit në kthimin e borxheve, përcjell Telegrafi Maqedoni.

Ky propozim-ligj, siç tha Mirakovska, është me rëndësi të veçantë për qytetarët e Maqedonisë. “Ligji për fshirjen e interesit në kthimin e borxhit, siguron fshirje të interesit detyres, gjegjësisht dënues, që ka të bëjë me borxhin kryesor dhe atë të shpenzimeve të procedurës për fakturat komunale, energji elektrike, nxemje qendrore, ujë dhe mbeturina, telefon, celularë dhe operatorë kabllovik, mirëmbajtje të hapësirave të përbashkëta, ujitje të tokës bujqësore, duke përfshirë edhe harxhimet e procedurës nga ana e paguesit të borxhit, tha deputetja e shumicës parlamentare të udhëhequr nga LSDM, Sonja Mirakovska.

Zgjidhja është mbështetur edhe ga opozita, ndërsa sot ka mbajtur konferencë për shtyp në lidhje me këtë temë edhe deputeti opozitar, Panço Minov.

Ligji i propozuar parasheh fshirje të interesit që llogaritet nga fuqizimi i ankesës për kthim të detyrueshëm të borxhit material, deri në pagesën përfundimtare të mjeteve financiare./Telegrafi/