Amerikanët frikësohen nga veturat autonome

Sondazhi i fundit në SHBA ka treguar se gradualisht po shtohet frika e blerësve nga automobilat me teknologji vetëlëvizëse.

Kjo tendencë u vu re pas disa aksidenteve në të cilat ata kanë marrë pjesë në këtë lloj të automjetit, të tilla si incidenti me makinë provë Uber që kishte mbytur një grua në Arizona ose modeli Tesla X, i cili u përplas në një pengesë konkrete gjatë operacionit “autopilot”.

Krahasuar me vitin paraprak, mungesa e besimit në këtë teknologji është rritur me rreth 10 për qind në SHBA, në 73%, shkruan Bloomberg.

Është interesante se ankthi udhëhiqet nga brezi i ri, mosha 20-37 vjeç, 64%  prej të cilëve ka pranuar se kanë frikë nga veturat autonome, që paraqet një rritje prej 15% në krahasim me periudhën para gjashtë muajve.

Gratë kanë frikën më të madhe, 83% e tyre kanë frikë nga automjetet autonome dhe 70% kanë frikë të marrin pjesë në trafik nëse ndajnë rrugën me një makinë pa shofer.

Megjithatë, pavarësisht nga frika, 55% e të anketuarve duan të kenë teknologji të pavarur në veturën e ardhshme, të cilën planifikojnë për ta blerë.

Studimet kanë treguar se 94% e aksidenteve shkaktohen nga gabimi njerëzor. Megjithëse aksidentet që përfshijnë makinat vetëlëvizëse janë jashtëzakonisht të ekspozuara ndaj mediave, analistët thonë se këto automjete janë shumë më të sigurta se sa një shofer mesatar. /kp/Telegrafi/