Lewis Hamilton fitoi garën e Çmimit të Madh të Azerbajxhanit

Lewis Hamilton me Mercedes fitoi sot garën e Çmimit të Madh të Azerbajxhanit, gara e katërt sezonale e Botërorit të Formula 1, një garë spektakolare dhe me shumë të papritura, sidomos në xhirot e fundit.

Ky është suksesi i parë sezonal për pilotin britanik, që la pas Kimi Raikkonen (i dyti me Ferrari) dhe Sergio Perez (i treti me Force India), që u ngjitën në podium.

Një fund i çmendur i garës zhvilluar në pistën qytetase të Baku i dha fitoren Hamilton, që nuk e priste këtë sukses.

Dalja e makinës së sigurisë katër xhiro nga fundi, që fillimisht përfitoi nga një parakalim i gabuar i Sebastian Vettel, që doli jashtë piste dhe më pas nga dëmtimi i gomës së Valteri Bottas për të fituar garën.

Vettel, në përpjekje për të kaluar Bottas e merr gjerë kthesën dhe frenon fort, duke u parakaluar nga Bottas, Hamilton e Raikkonen.

Por edhe Bottas nuk ka fat, pasi në xhiron pasardhëse i shpërthen goma teksa ishte para bokseve, pa pasur mundësi ta ndërrojë atë dhe braktis garën. Për pasojë, Hamilton gjendet i pari krejt papritur, pasi dy protagonistët kryesorë nuk kanë fat.

Falë këtij triumfi, Hamilton ngjitet në krye të renditjes së Botërorit të Formula 1 me 70 pikë, ndërsa Vettel zbret në vendin e dytë me 66 pikë, duke lënë pas Raikkonen, i treti me 48 pikë. /telesport/