Simovski: Përkatësia etnike nuk do të deklarohet në regjistrimin e popullësisë (Video)

Drejtori i Entit Shtetëror të Statistikave, Apostol Simovski, njofton ndryshimet revolucionare në regjistrimin e ardhshëm. Në një intervistë për “Makfax”, ai tha se mendimi i tij personal është se në materialet e regjistrimit të mos ketë fushë të përkatësisë etnike. Ai është i vetëdijshëm se me këtë deklaratë hap një kuti të pandorës mbi çështjen e përkatësisë etnike dhe pret që të zhvillojë një debat për atë nëse duhet të llogarisim në këtë mënyrë. Pikëpamja e tij është se etnia është një kategori e ndryshueshme dhe e dhënë në të cilat si institucione deri më tani është kërkuar vetëm për qëllime politike dhe për këtë arsye besojë se ajo nuk duhet të gjendet në materialet e regjistrimit, shkruan Telegrafi Maqedoni.

Ai mbron heqjen e kuotave etnike gjatë regjistrimit në fakultete dhe bënë thirrje për të gjithë që të fillojmë të mendojmë qytetarisht dhe jo etnikisht.

Sipas tij, data më e mirë për regjistrimin është 1 prill 2020. Simovski thotë se shpenzimet e regjistrimit nuk duhet të kalojnë 8.5 milion euro. Për herë të parë gjatë regjistrimit, do të shfrytëzohet regjistëri elektronik i popullsisë si një shtyllë që do të bashkojë të dhënat për qytetarët nga të gjitha bazat tjera e të dhënave që institucionet kanë. /Telegrafi/