Është zgjuar nga koma, vajza e ish-spiunit rus flet për herë të parë që nga helmimi (Foto)

Vajza e një ish-spiuni rus, e sëmurë rëndë pasi u helmua në Salisbury, tha se “çdo gjë është në rregull” dhe pretendoi se së shpejti do të dalë nga spitali, ka pretenduar TV shtetëror rus.

Sipas mediave të huaja, përcjell Telegrafi, Yulia Skripal gjithashtu tha se ajo dhe babai i saj Sergei kishin probleme shëndetësore që nuk mund të “riparoheshin”.

Ndërsa Viktoria Skripal, mbesa e Sergei Skripal, pretendon se ajo foli me Yulian, e cila sipas saj, ishte e vetëdijshme dhe po fliste pas zgjimit nga koma.

Po sipas mediave të huaja, një regjistrim i paverifikuar i bisedës thuhet se është dërguar në një kanal televiziv rus, Russia 1.

Me sa duket, Victoria foli me një grua që përfaqësonte vajzën e ish-spiunit dhe tha se do të fluturojë në Londër të hënën nëse ajo do të marrë një vizë.

Siç shkruajnë mediat, javën e kaluar është raportuar se zonja Skripal nuk ishte më në gjendje kritike dhe ishte përmirësuar me shpejtësi.

Ishte kuptuar javën e kaluar se 33-vjeçarja ishte ende në nevojë për kujdes në Spitalin e Qarkut Salisbury, ku ajo u mor pasi u helmua me agjentin nervor Novichok.

Në regjistrim, Julia gjithashtu kuptohet se thotë se “gjithkush po shërohet”. /Telegrafi/