Drejtoresha ekzekutive e Qendrës Kosovare për Rehabilitimin e të Mbijetuarave nga Tortura, Feride Rushiti, çmimin që i është ndarë nga Departamenti Amerikan i Shtetit, si Gruaja e Guximshme, ua ka dedikuar të gjitha grave të mbijetuara nga dhuna seksuale.
Pas kthimit nga SHBA-të, Rushiti në një konferencë për media tha se ndihet tejet e nderuar për faktin se Kosova arriti të marrë këtë çmim, për kontributin e dhënë në fushën e promovimit te të drejtave të personave të dhunuar gjatë luftës.
“Ky çmim, unë realisht ia kam dedikuar grave të mbijetuara nga dhuna seksuale, të gjitha grave të Kosovës. Unë mendoj që rastësisht jam njëra prej tyre për faktin se Kosova ka pasur gra shumë që kanë sakrifikuar në ndërtimin e këtij vendi, kanë promovuar të drejtat e kategorive të ndryshme në Kosovë, kryesisht gra, personave me aftësi të kufizuar, pastaj edhe lëvizjet tjera shoqërore. Pra, gruaja në Kosovë ka qenë themel i ndërtimit të shtetit. Unë kam pasur fatin e mirë që jam përcaktuar njëra prej tyre, por mendoj që ky çmim i takon të gjitha grave të Kosovës që kanë luftuar për promovimin e të drejtave të grave në Kosovë”, tha Rushiti.
Rushiti theksoi se gjatë qëndrimit dyjavor në SHBA, ka vënë kontakte me organizata ndërkombëtare të kësaj fushe, në mënyrë që të sjellin përvojën e tyre edhe në Kosovë.
“Ishte një përvojë e veçantë për faktin që në mesin e vendeve të botës, qoftë nga Kazakistani, Iraku, Italia, Afrika, pastaj vendeve tjera Guatemala e kështu me radhë, edhe Kosova radhitej me një përvojë të mirë, të arritur tanimë në fushën e kompensimit të personave të dhunës seksuale dhe prej asaj përveç mirënjohja na u nda neve. Kisha mundësi gjatë qëndrimit dyjavor atje të vë kontakt me organizata relevante për të cilat mendoj se është një përvojë e mirë dhe të cilat mund ta sjellin përvojën e tyre në Kosovë, për faktin se Kosova paksa është e izoluar nga zhvillimet e përgjithshme”, theksoi ajo.
Ky çmim sipas Rushitit tregon se Kosova është në rrugë të mirë për promovimin e barazisë gjinore.
“Mund të themi lirisht që është një lëvizje e mirë dhe praktikë e mirë që mund të vlejë edhe nëpër vende tjera të botës. Padyshim, se dhënia e këtij çmimi na vë para një përgjegjësie të madhe. Përveç kompensimit material, këto gra kanë edhe nevoja tjera, kanë nevojë për qasje në drejtësi, fuqizim ekonomik, heqjen e stigmës në shoqëri. Prandaj, neve na motivon si organizatë, mua personalisht, por edhe grave të Kosovës që edhe më tutje të bëjmë në kuadër të promovimit të agjendës për barazi gjinore”, u shpreh Rushiti.
Ky çmim ndahet nga Departamenti Amerikan i Shtetit, për gratë të cilat kanë dëshmuar lidership dhe guxim të jashtëzakonshëm në avokimin për paqe, drejtësi, të drejtat e njeriut, barazinë gjinore dhe fuqizimin e grave. Rushiti është femra e tretë nga Kosova që merr këtë çmim, pas Valdete Idrizit dhe Arbana Xharrës.
Promo
Reklamo këtuLufta Prigozhin - Putin
Më shumë“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
“Paratë, ose do të vras djalin”, polici kërcënon qytetarin se nuk i dha ryshfet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe