Pjesëtari i sigurimit të marketit përplas me grusht për tokë kolegun me nevoja të veçanta, kamerat filmojnë momentin rrëqethës (Video, +18)

Pjesëtari i sigurimit në një market është filmuar nga kamerat e sigurisë, duke e goditur një burrë me nevoja të veçanta të cilin pasi e përplas për tokë ai humb vetëdijen.

Sulmi i tmerrshëm është kapur nga kamerat në hyrje të marketit, kurse burri me nevoja të veçanta shihet duke u munduar të hap dollapin, kur nga pasi i vjen tinëzisht pjesëtari i sigurimit dhe me një goditje në kokë e përplas për tokë, transmeton Telegrafi.

Derisa viktima po qëndronte i shtrirë në tokë, sulmuesi dukej se nuk ngopej me aq dhe e godet me shkelm në gjoks. Videoja përfundon, me sulmuesin që e tërheq zvarrë viktimën.

Ngjarja e tmerrshme raportohet të ketë ndodhur në Kelantan të Malajzisë, kurse mediat lokale raportojnë se edhe viktima ishte i punësuar në market, dhe se ai së bashku me sulmuesin kishin pasur një mosmarrëveshje më herët.

Pamjet e publikuar në internet deri më tani janë shikuar nga më shumë se 600 mijë persona. Ndërkaq, policia ka arrestuar 26-vjeçarin që punonte si pjesëtar i sigurimit. /Telegrafi/