Papua Guinea e Re pësoi dridhje të fuqishme, një javë pas tërmetit prej 7.5 shkallësh (Foto)

Regjioni në Papua Guinea e Re, që pësoi lëkundje të mëdha para një javë, është përfshirë sërish nga dridhjet.

Tërmeti me magnitudë prej 7.5 shkallësh të Rihterit, epiqendrën e kishte afro 400 kilometra në veriperëndim të kryeqytetit Port Moresby, ndërsa ishte i thellë afro 23 kilometra, transmeton Telegrafi.

Më vonë, pasuan edhe dy tjra të nivelit 5.1 dhe 5.0, ndërsa më vonë gjatë ditës ka pasur edhe tërmete tjera me lëkundje të konsiderueshme.

Disa zona të pa banuar dhe me shtëpi të larg njëra-tjetrës, kanë bërë që informatat për dëmtime dhe lëndime në njerëz, të mos jenë aq të plota. E tëra që dihet është se tërmeti i 26 shkurtit mbyti 15 njerëz, lëndoi dhjetëra persona dhe ndërpreu punën në katër punishte gazi.

Për pasojë, ka pasur edhe rrëshqitje dheu, që bllokuan rrjedhën e lumenjve dhe u përmbytën disa fshatra.

Dridhjet e sotme nuk ishin aq të forta, por bënë që njerëzit të ikin prej shtëpi dhe të qëndrojnë në rruga nga frika se mund të ketë sërish goditje. Mbrojtësit e rendit që ndodhen në terren, nuk kanë raportuar për lëndime në njerëz. /Telegrafi/