Usain Bolt gati për karrierën prej futbollisti, pas një muaj stërvitjesh gjatë ditës konfirmohet zyrtarisht nënshkrimi i tij

Usain Bolt tashmë ka bërë të qartë se do të nënshkruajë me një klub futbolli.

Një nga atletët më të mirë në shtigjet e vrapimeve ka konfirmuar se do të nisë një karrierë prej futbollisti pasi që është një adhurues i madh i këtij sporti.

Bolt është parë në stërvitje me klubin e Afrikës së Jugut, Mamelodi Sundowns, ku është parë shumë i entuziazmuar me sfidën e re.

Klubi i ri i Bolt ka aluduar për transferimin e tij duke paralajmëruar një konfirmim zyrtar për të martën gjatë ditës.

Vet Bolt në rrjetet sociale nxiti i pari kurreshtjen duke paralajmëruar se do të nënshkruaje me një klub futbolli.

“Futbolli kurrë më nuk do të jetë i njëjtë”, ka shkruar klubi i ri i Bolt në rrjetet sociale, pasi Bolt ka një muaj që prej se rregullisht ka filluar stërvijet me klubin.

Football will never be the same. Find out tomorrow 8am GMT! 😏👆 #Sundowns pic.twitter.com/nifRZFR62s

— Mamelodi Sundowns FC (@Masandawana) February 26, 2018

Usain Bolt është mirëpritur menjëherë në stërvitje nga ylli kryesor i ekipit Jeremy Brockie i cili u shpreh shumë i gëzuar me transferimin e ri.

“Unë jam mësuar me Ben Sigmundin duke ardhur në qendrën stërvitore Wellington Phoenix, kështu që të shoh Boltin në vend të tij ishte e një niveli tjetër”.

“Ne kemi marrë një mesazh nga menaxheri jonë i ekipit duke thënë se kemi një vizitor të veçantë. Menduam se ishte një ditë pushimi, por kur erdhëm e kemi parë atë këtu”, u shpreh sulmuesi.

Bolt më parë është parë vazhdimisht në stadiumet e futbollit duke mos shprehur dashurinë për sportin, teksa tash ka vendosur të fillojë karrierën prej futbollisti në tentim për të realizuar ëndrrën, pasi këtë e shumë më shumë e bëri në shtigjet e vrapimit. /Telegrafi/