Ka filluar gjykimi për lëndën “Trajektorja”, kërkohet që SMS porositë të mos konsiderohen si dëshmi

Sot në Gjykatën Penale ka filluar seanca për lëndën “Trajektorja”. Në këtë lëndë të pandehur janë katër ish-funksionarë qeveritarë, të dyshuar së në periudhën e viteve 2012 dhe 2013 kanë ndërmarrë veprime për zgjedhjen e kompanisë që do të ndërtojë autostradën Milladinovc-Shtip dhe Kërcovë-Ohër, por që i kanë tejkaluar kompetencat e tyre.

Të akuzuarit për abuzime me ndërtimin e autostradës janë: ish-zëvendëskryeminsti Vlladimir Peshevski, ish-minstri për Transport dhe Lidhje, Mile Janakieski, si dhe ish-Kryeministri Nikolla Gruevski.

Të pandehurit janë të pranishëm në seancën e sotme, e cila drejtohet nga gjygjtari Goran Boshevski. Gjygji për lëndën “Trajektorija” filloi nga e para sepse u ndryshua këshilli gjyqësor.

Avokatët e të akuzuarve në seancën e mëparshme kërkuan nga PSP-ja që t’ua dorëzojnë përgjimet në dorë për t’i analizuar ato në formën e tyre origjinale.

Bëhet fjalë për 315 përgjime, të cilat janë pjesë e dëshmive.

Avokatët i kundërshtan edhe ekspertizat për dëmet e autostradës që arrijnë shumën prej 155 milionë euro.

Prokurorja e PSP-së Lile Stefanova, përsëri, vuri re se mbrojtja kishte paraqitur këto kundërshtime kur aktakuza u vlerësua dhe tani është faza e gjykimit dhe se nuk ka nevojë për ripërsëritje.

Ajo theksoi se mbrojtja kishte dhe ende ka mundësi për dëgjimin e përgjimeve para se ato të jepen si dëshmi.

Avokatët mbrojtës kanë dorëzuar kërkesë tjetër që të mos pranohen SMS porositë si dëshmi./Telegrafi/