Do të lëvizë sa dyfishi i shpejtësisë së një plumbi: Së shpejti mund të shohim aeroplanin që “mund t’i sillet globit për tri orë”! (Foto)

Boeing po zhvillon një projekt rreth një avioni ushtarak hipersonik që mund t’i “sillet globit për tri orë” dhe është i aftë për të goditur objektivat, pesë herë më shpejtë se shpejtësia e zërit.

Sipas mediave të huaja, përcjell Telegrafi, Mjeti konceptual i fshehur, i cili është llogaritur si një pasues i mundshëm i aeroplanit legjendar Blackbird SR-71, mendohet të jetë emërtuar me emrin “Valkyrie II”.

Siç thuhet më tej, Boeing zbuloi për herë të parë një model koncept për sulme me shpejtësi të lartë muajin e kaluar, por një hulumtues i lartë në kompani ka zbuluar detaje të reja.

Bëhet fjalë për Kevin Bowcutt, anëtar i lartë teknik i hipersonikës në Boeing Research & Technology, i cili pretendon se avioni – i quajtur ndryshe si ‘Biri i Blackbird’ – do të udhëtojë më shumë se dyfishi i shpejtësisë së një plumbi.

Në një video në Facebook, Bowcutt tha: “Është dy herë e gjysmë më i shpejtë se plumbi. Është më shumë se dy herë më i shpejtë se Conkorde”.

Një model koncept u zbulua fillimisht nga Boeing në një forum të Institutit Amerikan të Aeronautikës dhe Astronautikës SciTech në Orlando, Florida në janar.

Megjithëse kompania ende nuk i ka dhënë dritën e gjelbër projektit, ai tha në konferencë se një e tillë, mund të ndërtohet në 10-20 vitet e ardhshme. /Telegrafi/