Pas shumë viteve mundim dhe sakrificë, më në fund kishte realizuar ëndrrën që të pavarësohet në një restorant. Restaurant “Da Paulo” në Schlieren është restorant me dy koncepte Italian&Steahause. Mirëpo ai nuk është restorant i ndonjë Italiani, por i shqiptarit Pal Deda nga Peja.
Është gjetur në kuzhinë krejt rastësisht ngase me profesion është ekonomist. Nuk është nga ato historitë e pronarëve të restoranteve që nisin t’i vijnë rrotull kuzhinës qysh në vegjëli. Bëhet fjalë për Pal Dedën, i cili në vitin 2002 emigroi nga Peja në Zvicër, ndërsa punën e parë që kishte bërë ishte si një “shankist” për të marrë pas tre muajve portofolin e kamerierit.
Nisi kështu punën në gastronomi, një rrugëtim që dita ditës filloi t’ia rrëmbente zemrën.
Pas dy viteve ishte zotuar se shumë shpejt do të bënte një restorant të vetin në Cyrih, ëndërr e guximshme kjo që ishte bërë realitet pas 4 vitesh e gjysmë.
Emri i tij në gazetat zvicerane
Më vonë, Pali do ta gjente emrin e tij nëpër gazetat zvicerane. Restoranti i parë i menaxhuar nga ai ishte në Schlieren.
Dhe Pali ishte me fat ngase në sallat e restorantit “Salmen” ishin promovuar atëbotë planet se si do të duket Schliereni në të ardhmen.
“Aty u mblodhën shumë njerëz nga të gjitha komunat për të parë planin se si do të duket Shchliereni në vitin 2020. Më erdhi radha edhe mua. Më thanë se duhet të prezantohem para 500-600 personave se kush e menaxhon restorantin në zemër të Schleirenit. Edhe pse nuk e njihja mirë gjuhën gjermane, arrita të prezantohesha se jam nga Kosova”, kujton Pali atë ngjarje për të cilën mediet zvicerane shkruan rreth një javë, se si një i ri shqiptar nga Kosova ka arritur të menaxhojë me sukses një restorant shumë të madh në zemër të Schlierenit.
Tashmë Pali ishte në pritje të realizimit të planeve urbanistike të Schlirenit për të zbuluar një vend ideal për restorantin e radhës.
Ndërkohë ka menaxhuar me një restorant tjetër shumë të njohur me emrin “Casa Amici”, por gjithmonë duke ëndërruar se do të bëjë një të tillë që do ta mbajë emrin e tij.
Në atë kohë thotë se ai ishte i pari që sjell mishin e pjekur në gur të nxehtë në Schlieren (Fleisch vom heissen Stein).
“Da Paulo” ose restoranti i shqiptarit Pal Deda
Rruga e tij e kulinarisë dhe e profesionit të menaxherit të restoranteve nuk ishte aspak e lehtë.
Me gjithë problemet e shumta, ai kishte realizuar ëndrrën që të pavarësohet në një restorant. Restaurant “Da Paulo” në Schlieren nuk është restorant italian, por është restoranti i shqiptarit Pal Deda nga Peja.
Në restorantin e pozicionuar në një lagje krejtësisht të re të Schlierenit mund të hani pica e pasta ku si specialitet janë pastat qe i prodhohen në restorant.
Por mbi të gjitha në këtë restorant nuk mungon as mishi në gur, në pjesën tjetër “Steakhaus” që e kishte ndarë me mjeshtëri Pali. Nëse ulesh në këtë pjesë të restorantit, nga muret rreth e rrotull të shikojnë fotografi të yjeve të Hollywoodit.
“Nuk është e thënë se duhet të keni shkollë kuzhinieri apo kamerieri për të udhëhequr një restorant. Nuk e kam problem as kuzhinën e as punën në servis. Puna në restorant kërkon komunikim të përzemërt me mysafirët, nuk ka lodhje, as përtesë”, thotë 36 vjeçari, i cili e kishte dizajnuar me shije restorantin me emrin “Restaurant Da Paulo”.
Ëndrra e radhës: Të ndjekë rrugën e Gastronomisë, të bëhet edhe më i njohur në tërë Zvicrën
Jo vetëm kaq, Pali thotë se do të ndjekë rrugën e Gastronomisë, të bëhet edhe më i njohur në gjithë Zvicrën.
Ai arriti që nga një restorant të bëhej me më shumë restorante. Me ambicien dhe vullnetin e fortë që ka dëshmuar deri tash, as kjo nuk është diçka e paimagjinueshme për Palin. Mbetet të shihet!
Porosia e Palit
Pali, si një person që ishte shumë i ri kur filloi të merret me restorant, ka një porosi për të gjithë të rinjtë: Në jetë vetëm duhet të dish se çka do dhe të kesh një synim se ku do të arrish. Rezultati, pa dyshim se do të vijë. /albinfo.ch/
Promo
Reklamo këtuLufta Prigozhin - Putin
Më shumëStjuardesa mbeti e shtangur kur pa se çfarë fshihej në bagazhin e brendshëm të aeroplanit
Askush nuk mund t'i rezistojë videos gazmore të tre britanikëve të dehur
Një grua mbeti e hutuar kur pa tetë të panjohur në kopshtin e shtëpisë së saj
Ironia
Po sikur dielli të shpërthejë nesër?
Milioneri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore