Ekipi i ‘Open Data Kosovo’ në listën e finalistëve të ‘Forbes’

Ekipi i ‘Open Data Kosovo’ është zgjedhur në listën e finalistëve ’30 Under 30′, ku përzgjedhjen të rinjtë nën moshën 30 vjeçare që kanë kontribuar për të drejtat e njeriut dhe për qeverisje më të mirë, në kategorinë ‘Ligj dhe Politikë’ të revistës së njohur botërore ‘Forbes’, shkruan Telegrafi.

Në faqen e ‘Forbes’ thuhet se ‘Open Data Kosovo’ po sjell transparencën dhe llogaridhënien e qeverisë përmes teknologjisë.

Në një postim të ‘Open Data Kosovo’ thuhet se “ne jemi të vendosur në realizimin e projekteve që kanë për qëllim rritjen e transparencës publike nëpërmjet shfrytëzimit të teknologjisë informative si dhe edukimin e vazhdueshëm të të rinjve për shfrytëzim të teknologjisë”.

Sipas tyre ‘Open Data Kosovo’ ka stimuluar rritjen e transparencës dhe publikimin e të dhënave nga institucione qeveritare dhe është duke pilotuar projektet e para për dixhitalizim të shërbimeve që shfrytëzohen nga qytetarët.

Këtu mund ta shihni listën me 30 finalisteve ku është edhe ekipi i vajzave të ‘Open Data Kosovo’. /Telegrafi/