Kryemadhi letër ambasadorëve për reformën në drejtësi

Kryetarja e LSI-së Monika Kryemadhi i ka dërguar një letër zyrtare ambasadorit të SHBA-së, Donald Lu dhe asaj të BE-së Romana Vlahutin, si dhe përfaqësive të tjera të vendeve të BE në Shqipëri për reformën në drejtësi.

Letra flet për problematikat e zbatimit të Reformës në Drejtësi, dhe rolin e rëndësishëm që kanë ndërkombëtarët në krijimin e një klime të re politike.

“Problemi më kritik vazhdon të mbetet implementimi i Reformës në Drejtësi. Sjellja arrogante e mazhorancës ka minuar rëndë dialogun politik. Moment i patolerueshëm përbuzja e opinioneve të dhëna nga ONM për kandidatë të caktuar nga Sekretari i Përgjithshëm i Kuvendit (ish-sekretar i përgjithshëm i ministrit Tahiri). Veprimet e maxhorancës janë të një linje politike që ka prioritet kapjen e drejtësisë. Kapja e drejtësisë do ketë pasoja të rënda politiko-shoqërore për vendin”, thuhet në letrën e Kryemadhit.

Ajo thotë se LSI votoi pa asnjë mëdyshje reformën dhe shtatë ligjet sepse ishin garante BE dhe SHBA, por koha i dha të drejtë mosvotimit të PD-së. /Telegrafi/