O’Connell: E rrezikshme për Kosovën, t’i thotë jo bashkësisë ndërkombëtare

Ambasadori britanik në Kosovë, Ruairi O’Connell, ka thënë që për një shtet si Kosova është shumë e rrezikshme t’i thotë jo bashkësisë ndërkombëtare.

Gjatë një interviste në Info Magazine në Klan Kosova, O’Connell, rreth arsyes përse për Kosovën është bërë një Gjykatë Speciale, ka thënë që nga bashkësia ndërkombëtare ka pasur mosbesim që Kosova do t’i merr me seriozitet rastet me akuza të rënda.

“Kur keni raste si ai i zotit Lushtaku që si i burgosur del nga spitali e shkon në shtëpi, apo si ai i faljes së të dënuarve për vrasje të fëmijëve, ka pasur mosbesim që Kosova do të trajtojë me seriozitet këto akuza”.

Ambasadori i Britanisë gjithashtu foli për atë nëse bashkësia ndërkombëtare ka premtuar ndonjë përkrahje për Kosovën në këmbim të formimit të Speciales.

“Është përmendur UNESCO. Kosova nuk ka dështuar së anëtarësuari në UNESCO për shkak të mospërkrahjes sonë, sepse përkrahjen tonë e ka pasur. Por, kanë qenë dy ligjet që nuk janë respektuar e për këtë Kosova dështoi në UNESCO”, tha ai. /Klan Kosova/