Buxhetit të Kosovës do t’i shtohen edhe 11 milionë euro, para këto nga Fondi i Kursimeve Pensionale të Kosovës.
Kërkesa për këtë shumë shtesë u shtrua sot në Komisionin për Buxhet dhe Financa nga ministri i Financave Bedri Hamza.
Kërkesat e ministrit janë miratuar sot nga anëtarët e Komisionit, e që përveç kësaj kërkese është miratuar edhe kërkesa për 500 mijë euro shtesë për komunitetet dhe 60 mijë euro për Akademinë e Shkencave dhe Arteve të Kosovës.
“Bazuar në legjislacionin aktual në fuqi janë të sigurta edhe 11 milionë euro shtesë për buxhetin e Kosovës nga Fondi i Kursimeve Pensionale të Kosovës . Qeveria e ka marrë shkresën nga Bordi i Fondit Pensional të Kosovës që pritet të merret vendimi edhe këto mjete të derdhen në buxhetin në tre mujorin e parë të vitit të ardhshëm. Të njëjtën çështje ne kemi biseduar edhe me FMN-në sepse kjo do të ketë refleksione në tabelën 1 të buxhetit dhe do të rritet tavani i shpenzimeve të buxhetit te investimet kapitale edhe për 11 milionë euro”, tha Hamza.
Ai po ashtu ka kërkuat nga Komisioni që të merret në konsideratë edhe kërkesa për akomodim të edhe 60 mijë eurove për Akademinë.
“Në kuadër të zyrës së kryeministrit te pjesa e komuniteteve të ngritët edhe një shumë prej 500 mijë euro dhe pastaj këto janë propozimet e Ministrisë së Financave mbetet te Komisioni që i aprovon a jo . Mbi të gjitha është me rëndësi me reflektua këtë 11 milionëshin , se që nuk e reflektojmë këtë 11 milionëshin realisht jemi të detyruar me bërë shkurtime në projektet ekzistuese kapitale “, tha Hamza.
Ndryshe Komisioni sot ka shqyrtuar 101 amendamente të ligjit për buxhetin e vitit 2018.
Kryetari i Komisionit për Buxhet dhe Financa, Lumir Abdixhiku, ka thënë se nga dhjetëra kërkesa nga deputetët janë propozuar 101 amendamente.
“Gjatë takime në grupe punuese janë shqyrtuar me dhjetëra kërkesa edhe saktësisht janë propozuar sot 101 amendamente. Këto janë ndryshimet që i bëhen buxhetit të Republikës. Ju i keni marrë dokumentacionin përpara ne do ti shqyrtojmë amendamente pas amendamenti, i keni parasysh amendamentet e përkrahura nga Komisioni janë amendamentet të trajtuara në grupe punuese dhe i kanë kaluar dëgjimet edhe komentet edhe të palëve me interes edhe të deputetëve”, tha Abdixhiku /Telegrafi /
Promo
Reklamo këtuLufta Prigozhin - Putin
Më shumëBesim Ramadani, personazh inspirues dhe shembull që duhet ndjekur
Shkenca e të Dhënave - Kombinim i Statistikës, Programimit dhe Biznesit
Telegrafi Jobs - Shoku yt për punë
Investimet nga diaspora, Lazim Destani: Duhet të punojmë bashkë që të arrijmë suksese
Rrjeti Global i Bizneseve të Diasporës, 10 vite suksese dhe bashkëpunime
Zbulo të jetuarit buzë detit në kompleksin prestigjioz “Holiday In 2”
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë