Rrëfimi prekës i nënës së tetëvjeçarit me autizëm: Ai shkroi shënime vetëvrasëse dhe u përpoq të vriste veten me gërshërë (Foto)

Një nënë ka zbuluar se ajo ka qenë duke pritur disa javë për të marrë ndihmë urgjente për djalin e saj tetëvjeçar i cili u përpoq të vriste veten dhe të shkruante shënime vetëvrasëse.

Sipas mediave të huaja, përcjell Telegrafi, bëhet fjalë për Jack Rogan, i cili ka autizëm dhe i cili shkroi shënime duke thënë: “Uroj që mami do të më vrasë” dhe duke pyetur “çfarë nuk është në rregull me mua”.

Nëna e tij, Kerry Linnell, 43 vjeç, gjithashtu shkroi shënime për atë që tha, duke përfshirë gjëra të tilla si ‘më digjni të gjallë’ dhe ‘më futni në një varrezë’.

Ai gjithashtu ishte përpjekur të merrte jetën vetes me një palë gërshërë, ka zbuluar zonja Linnell.

Ajo e çoi në spitalin Alder Hey Children në tetor pas tentimit të vetëvrasjes, por mjekët thanë se nuk kishte shtretër në dispozicion në një njësi të specializuar, pavarësisht se ishte në gjendje të rëndë.

Zonja Linnell vlerësoi stafin për të bërë atë që mundën për të ndihmuar, por shtoi se ai ishte vënë në një pjesë ku nuk kishte trajtim të shëndetit mendor dhe ai qëndroi atje për shtatë javë.

Ajo tha: “Është një situatë e tmerrshme, dhe vetëm më bën të ndihem shumë keq pasi nuk jam në gjendje t’i jap atij atë që ai ka nevojë”.

“Ai pyeti pse ai nuk kishte miq dhe tha se donte të varrosej. Ndërsa po rritet ai e kupton se sa e ndryshme është bota për të dhe kjo e bën atë të ndihet si një person i keq”. /Telegrafi/