Arrihet marrëveshje me presidentin Ivanov, do të plotësohen vendet e zbrazura të ambasadorëve

Tetë vendet e zbrazura në përfaqësitë diplomatike-konsullore të Maqedonisë do të plotësohen, si rezultat e kohabitacionit midis Ministrisë së Punëve të Jashtme dhe presidentit Gjorge Ivanov, konfirmuan burime diplomatike.

Në mesin e tyre është edhe Misioni i Bashkimit Evropian në Bruksel, ndërsa këtu janë edhe vendet e zbrazura në Paris, Londër, Podgoricë, Bern, Varshavë, Osllo dhe Bukuresht. Propozimet duhet të kalojnë në seancë qeveritare, ndërsa burimet diplomatike paralajmëruan edhe rreth të dytë të negociatave për emërime të reja për plotësimin e të gjitha 20 pozicioneve të zbrazura në gjithsej 57 PDK. Në vijim janë tentime për profesionalizim dhe depolitizim të kuadrit diplomatik-konsullor, pa marrë parasysh se një numër i madh i ambasadorëve për momentin janë të emëruar politikisht, ndërsa politizimi, siç theksuan burimet diplomatike, është karakteristike edhe në nivel të tërë Ministrisë.

Tashmë tre deri në katër vjet nuk ka vlerësim të rregullt të diplomacisë, edhe pse ky është obligim ligjor. Periudhën e kaluar, siç vlerësojnë burime diplomatike janë hapur ambasada, pa u bërë vlerësim real për prioritetin, gjegjësisht nëse janë plotësuar kriteret politike, ekonomike, konsullore dhe reciproke. Si shembuj theksohen ambasadat në Brazil, Katar dhe Kazakistan. Nevojitet pragmatizërn, paratë të investohen atje ku është prioritare, theksojnë nga atje. Për momentin proporcikoni i kuadrit diplomatik në MPJ është një ndaj dy në dobi të të punësuarve në Ministri, gjegjësisht rreth 140 diplomatë punojnë më misionet në vendet e jashtme, ndërsa 300 janë në vend.

Ministritë funksionale të punëve të jashtme punojnë me proporcion të kundërt, dy ndaj një në dobi të diplomatëve të cilët janë jashtë, ndërsa MPJ, siç theksojnë burime diplomatike do të tentohet ky proporcion të jetë një ndaj një.

Ndërkaq, theksohet se buxheti i MPJ-së është ulur për 40 për qind nga viti 2009 deri në 2017.