Sipas të dhënave zyrtare, deri më tani vlera e importit për vitin 2016 ka arritur në 2.86 miliardë euro. Nga kjo shumë mbi 99 milionë euro janë produkte që janë importuar nga Shqipëria.
Në anën tjetër, vlera e eksportit deri në fund të muajit tetor ka qenë rreth 300 milionë euro. Nga kjo shumë në Shqipëri janë eksportuar produkte me vlerë 15 milionë euro.
Në saje të bashkëpunimit ekonomik janë investuar miliarda euro në infrastrukturë. Autostrada Durrës – Kukës – Morinë që lidh Kosovën me Shqipërinë, e quajtur “Ibrahim Rugova”, ka lehtësuar qarkullimin e mallrave nga të dyja palët. Përveç kësaj, ndërmjet Kosovës dhe Shqipërisë janë nënshkruar edhe disa marrëveshje për bashkëpunim ekonomik, por edhe në fusha të tjera.
Në mbledhjen e përbashkët të dy qeverive, e cila u mbajt të hënën në Korçë, ministri i Tregtisë dhe Industrisë, Bajram Hasani dhe ministri i Financave dhe Ekonomisë së Shqipërisë, Arben Ahmetaj, kanë nënshkruar memorandum bashkëpunimi në mes të Agjencisë për Investime dhe Përkrahjen e Ndërmarrjeve në Kosovë – KIESA dhe Agjencisë Shqiptare për Zhvillimin e Investimeve – AIDA.
Njohësit e çështjeve ekonomike dhe prodhuesve vendorë nga Kosova kanë bërë me dije se bashkëpunimi ekonomik në të dyja anët e kufirit mbetet për t’u dëshiruar.
Njohësi i çështjeve ekonomike dhe pronari i kompanisë “Meka”, Burim Piraj, ka thënë për gazetën “Epoka e re” se volumi i eksportit tani është në rritje e sipër por, sipas tij, procedurat e eksportit duhet të thjeshtohen më shumë dhe të liberalizohet tregu në mes të Kosovës dhe Shqipërisë. “Ne si kompani jemi shumë të kënaqur me bashkëpunimin me Shqipërinë. Kemi një ose dy eksporte në javë dhe ka më shumë se një vit që nuk kemi hasur në më të voglin problem. Volumi i eksportit nuk është shumë i madh, por është korrekt, me tendenca të shtimit. Mendojmë se procedurat eksportuese duhet të thjeshtësohen edhe më shumë dhe të liberalizohet tregu në mes të Kosovës dhe Shqipërisë ashtu që për te dyja anët e kufirit të krijohet një treg prej pesë milionë konsumatorëve që do të mundësonte një zhvillim shumë më të madh të ekonomive tona”, ka thënë Piraj.
Ai ka shtuar se në etapën politike në të cilën ndodhemi si vend, Kosova ballafaqohet me barriera të shumta jotarifore nga vendet evropiane. Sipas Pirajt, lidhja me Shqipërinë me liberalizim të tregut do të kishte ndikim shumë të madh, sidomos të prodhimet me prejardhje shtazore.
Ndërkaq drejtori ekzekutiv i Klubit të Prodhuesve të Kosovës, Astrit Panxha, ka thënë për gazetën “Epoka e re” se Shqipëria dhe Kosova duhet të kenë unifikim ekonomik. “Për këtë fesë të 28 Nëntorit dua të them se sa iu përket aspekteve ekonomike Kosova dhe Shqipëria duhet të kenë një unifikim dhe një plan strategjik të bashkëpunimit ekonomik për t’i rritur eksportin dhe importin në mes të dy shteteve”, është shprehur Panxha./Epoka e Re/Telegrafi/
Promo
Reklamo këtuLufta Prigozhin - Putin
Më shumëViva Fresh Store renditet si grupi i pestë më i madh i shitjeve me pakicë në Ballkanin Perëndimor!
A jeni gati për mbrëmjen e Maturës?
Qysh bohet kerri i vogël, kerr i ri!
Kurrë s’e ke pas ma lehtë se me Telegrafi Jobs me gjetë punë!
Rritja e zhvillimit ekonomik - bëhet thirrje për bashkëpunimin e bizneseve me Qeverinë
Ujë Mokne vjen tek ju nga thellësia e Bjeshkëve të Istogut
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'