Shumica parlamentare mund të zgjerohet por jo të zvogëlohet. Ziadin Sela edhe një herë largoi dyshimet për largimin e mundshëm të Aleancës për Shqiptarët nga Qeveria. Sipas tij, subjekti që më së shumti e kërkon largimin e Selës nga Qeveria është BDI-ja e Ahmetit por kjo gjë sipas tij ka pak rëndësi pasi primare e cilëson përmbushjen e reformave të premtuara. Dëshira e BDI-së për largimin e Aleancës për Shqiptarët nga Qeveria mund të plotësohet vetëm nëse ky ekzekutiv fillon t’i ngjasojë qeverisjes së kaluar të udhëhequr nga OBRM-PDUKM-ja, shoti Sela.
“Ne jemi pjesë e qeverisë sepse kemi marr obligimet tona për të vazhduar reformat dhe për të qenë brenda për brenda qeverisë ajo pjesë e cila çdoherë do të alarmojë kur kjo Qeveri do të ngjajë me qeverinë e kaluar. Ne për momentin që flasim jemi pjesë e Qeverisë. I vetmi aktorë politik brenda Qeverisë i cili dëshiron që Aleancën për Shqiptarët të mos e shohë në aty, që të mos e këtë në koalicion qeverisës është BDI-ja dhe Ali Ahmeti. Këtë e kanë thënë vazhdimisht gjatë fushatës bile ka pasur konstatime që ASH ka dalur nga Qeveria”, tha Ziadin Sela, kryetar i Aleancës për Shqiptarët.
Edhe pse deri tani nuk kanë zhvilluar asnjë takim me LSDM-në për pjesëmarrje të mundshme në Qeveri, në rast të një riformatimi, nga Lëvizja Besa thonë se do të shqyrtojnë të gjitha mundësitë eventuale për tu bërë pjesë e shumicës parlamentare në qoftë se bëhet fjalë për hapërimin e Maqedonisë drejtë anëtarësimit në NATO dhe në BE.
“Ne e dimë të gjithë se kjo Qeveri thirret në reforma dhe disa reforma të caktuara është dashur që deri tani ta fillojnë rrugëtimin e këtij shteti drejt proceseve euro-atlantike. E shohim se deri tash nuk ka një moment të këtillë, nëse do të kishte ne do të mendojmë dhe pastaj do të dalim ne një qëndrim konkret”, Faton Fazliu, Zëdhënës i Lëvizjes Besa.
Edhe nga LSDM-ja thonë se presin që partitë politike shqiptare të reflektojnë pozitivisht dhe të bëhen pjesë e reformave dhe ndryshimeve. Kryeministri Zoran Zaev javën e kaluar tha se do t’i intensifikojë takimet me krerët e subjekteve politike shqiptare dhe me deputet tjerë të opozitës, me qëllim që të sigurojë shumicë parlamentare më stabile.
Ndërkohë ka vetëm heshtje në Partinë Demokratike Shqiptare. Asnjë nga përfaqësuesit e kësaj partie nuk dëshirojnë të komentojnë zërat për participimin e mundshëm të PDSH-së në shumicë parlametare me dy deputetët që i posedojnë. Sipas informatave jozyrtare, PDSH-së në ekzekutiv mund t’i besohet Ministra e Drejtësisë ndërkohë që ka zëra se kjo parti kërkon edhe Ministrinë e Ekonomisë dhe në krye të saj të jetë Bardhyl Dauti./Telegrafi/
Promo
Reklamo këtuLufta Prigozhin - Putin
Më shumëÇfarë pyetje u bëhen qytetarëve në diasporë për regjistrim?
Anëtarësimi i Kosovës në KiE, cilat janë vendet skeptike që duan fillimisht asociacionin?
Kurti merr kundërpërgjigje për kritikat ndaj Prokurorisë Speciale
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
AGK-ja dënon intimidimin publik të deputetit Dimal Basha ndaj gazetares së RTK-së
Drejtori i RTK-së: Gjuha e përdorur nga deputeti Dimal Basha, e papranueshme
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe