Shkup, shtatë persona të lënduar në 14 aksidente

Shtatë persona janë lënduar më lehtë në tre nga gjithsej 13 aksidente trafiku të regjistruara gjatë 24 orëve të fundit në rajonin e SPB Shkup. Në 10 aksidentet tjera janë shkaktuar dëme materiale.

Siç informon MPB-ja, gjatë ditës së djeshme policia e trafikut ka zbuluar dhe sanksionuar një numër më të madh të kundërvajtjeve.

Tridhjetë e një shoferë kanë lëvizur me shpejtësi më të madhe se sa e lejuara, dy shoferë nuk i kanë respektuar dritën e kuqe të semaforit, dy shoferë nuk u kanë dhënë përparësi kalimit të kalimtarëve në kalim të shënuar për këmbësorë, 16 shoferë e kanë drejtuar automjetin pa patentë shoferi, gjegjësisht me automjet të paregjistruar, si dhe gjashtë shoferë të cilët e kanë përdorur celularin gjatë drejtimit të automjetit. Janë sanksionuar 53 automjete të parkuara në mënyrë jo të rregullt.

Me ndihmën e automjetit special “karrotreci” janë larguar 73 automjete.

Në kuadër të aksionit të edukimit për komunikacion “T’i mbrojmë fëmijët në komunikacion” Sektori për parandalim sot do të realizojë punëtori edukative me nxënësit e klasës së katërt në SHFK “Kole Nedellkovski” e cila ndodhet në rajonin e komunës Qendër./Telegrafi/