Maqedoni, mbi 1.000 vëzhgues nga MOST për rrethin e dytë zgjedhor

Asociacioni qytetar MOST njoftoi se rrethin e dytë të zgjdhjeve lokale do ta ndjekë me më shumë se 1000 vëzgues.

Nëpër vendvotime do të jenë të vendosur 910 vëzhgues të cilët do të mbulojnë rreth 50% të vendvotimeve nëpër të gjitha komunat që nesër do të votohet.

Vëzhguesit e MOST do të jenë statik dhe gjatë gjithë ditës do ta ndjekin procesin e votimit nëpër vendvotime. Veç kësaj, MOST ka në dispozicion edhe 45 ekipe të lëvizshme të përbërë nga dy vëzhgues, të cilët do të shërbejnë si mbështetës logjistik të vëhguesëve statik dhe herë pas here do të vëzhgojnë në ato vende ku MOST nuk do të ketë në dispozicion vëzhgues statik. Gjithashtu, puna e komisioneve komunale të zgjedhjeve do të vëzhgohet nga 35 vëzhgues, ndërsa do të mbikqyret edhe puna e Komisionit Shtetëror Zgjedhor.

Krahas votimit të ditës së nesërme MOST sot vëzhgon edhe votimin e personave të sëmurë dhe të palëvizshëm, personave të shpërngulur në brendësi dhe personat në burgim dhe paraburgim./Telegrafi/