Ankohej se kishte temperaturë dhe kokëdhembje, mjekët ia amputojnë këmbët e duar për t’ia shpëtuar jetën (Foto, +16)

Një baba i tre fëmijëve është dashur t’i nënshtrohet procesit të amputimit të këmbëve dhe duarve me qëllim që t’i shpëtoj vdekjes, edhe pse një ditë më parë mendonte se ishte ftohur dhe vuante nga ndonjë grip sezonal.

Chris Garlick 46-vjeçar, mbeti i shokuar kur e kuptoi se është prekur nga sepsisi, që ia dobëson sistemin imunitar dhe ia sulmon organet, transmeton Telegrafi.

Vetëm disa orë pasi ishte ankuar se kishte temperature dhe nuk ndihej mirë, Chris ka humbur këmbët dhe duart. Ndërkaq gruaja e tij Karram ka pranuar se kishte menduar se bashkëshorti i saj nuk do t’i shpëtoj vdekjes.

Por, edhe përkundër faktit që tani duhet të mësohet të vazhdoj jetën pa këmbë e duar, Chris thotë se është mirënjohës ndaj mjekëve që i shpëtuan jetën dhe ndaj gruas së tij që gjatë gjithë kohës e ka përkrahur.

Terapeuti Chrsi, i cili ka tre fëmijë të moshës 10, 8 dhe 5 vjeç, ka thënë: “Vetëm kur mendoj se nëpër çfarë ka kaluar gruaja ime, i jam shumë mirënjohës”.

Gjatë të shtunës së 15 tetorit, Chris që menaxhon një klinikë terapeutike në Cardiff së bashku me gruan Karran, kishte filluar të ankohet se kishte temperaturë dhe se kishte simptoma të ndonjë gripi sezonal.

Por, të nesërmen filloi të ndjehet shumë keq sa që u detyrua të shtrihet në krevat.

“Gjatë të dielës u ndjeva shumë keq. Kishim planifikuar t’i dërgojmë fëmijët në pishinë, por duke parë parasysh gjenden shëndetësore qëndruam në shtëpi për të shikuar televizor”, ka deklaruar ai.

Më pas Karran u kthye në dhomën e gjumit dhe pas disa orëve e kuptoi se bashkëshorti i saj po “digjej” nga temperatura e lartë, e cila nuk po e linte as të ngritët nga shtrati që të bëj një dush për t’u freskuar paksa.

“Nuk mund të ecja kurse kokëdhimbja ishte e papërshkrueshme, kjo është e gjitha qfarë më kujtohet”, ka shtuar ai. /Telegrafi/