Minço Jordanov sulmon gazetarin Sashe Politiko për shkak të pyetjeve të parashtruara

Gazetari Sashe Ivanovski – Politiko sonte është sulmuar nga afaristi Minço Jordanov, gjatë përpjekjeve të gaztarit për t’i parashtruar pyetje pas përfundimit të evenimentit të shënimit të 20 vjetorit të themelimit të “Makstill”.

“Unë prisja të përfundojë evenimenti dhe u afrova te Jordanovi për t’i parashtruar pyetje. Ai u pajtua, por kur fillova ta pyes për ndërtimin e ndërtesës së re të OBRM-PDUKM-së nga kompania e tij “Beton”, u vërsul dhe më sulmoi, madje persona tjerë e mbanin për të më mbrojtur mua. Ai mundohej ta marë telefonin me të cilin bëja incizimin dhe ia doli, e vendosi në xhep, ndërsa truprojet e tij më nxorën jashtë objektit. Më pas ma kthyen edhe telefonin, por është i thyer”, tha Ivanovski.

Ivanovski thotë se Jordanov është zemëruar kur e ka pyetur se përse ja ka dhuruar OBRM-PDUKM-së ndërtesën e re, gjegjësisht selinë e re dhe nëse ka frikë nga hetimet e PSP-së për tenderët e ‘Shkupi 2014’, ku kompania e tij “Beton” SHA, Shkup ka pranuar mbi 216 milionë euro.

Ivanovski thotë se menjëherë do të denoncojë rastin në stacion policor dhe se do të provojë të nxjerrë videon incizimin nga incidenti i ndodhur për ta publiuar atë./Telegrafi/