Kryeministri Zaev nënshkruan marrëveshje me esnafin e Çarshisë së Vjetër

Kryeministri Zoran Zaev sot nënshkruajti marrëveshje me esnafin e Çarshisë së Vjetër të Shkupit, me të cilën do të mundësohet revitalizimi dhe modernizimi i saj.

“Këtu jemi së bashku me të gjithë që ta japim fjalën tonë. Kjo çarshi do të ringjallet. Kjo çarshi është shtëpi e esnafëve, por është shtëpi edhe e çdo familje të esnafëve e cila e di rëndësinë e saj për Shkupin. Kjo Çarshi nuk është vetëm roje e zanateve të ndryshme dhe të çmuara, nuk e lidh vetëm të kaluarën me të tashmen. Kjo çarshi është simbol i unifikimit të diversiteteve, të bashkësisë sonë, të së ardhmes sonë të përbashkët”, tha Zaev në deklaratën për mediat.

Kryetari i esnafit të Çarshisë së Vjetër, Bejtulla Morina nënvizoi se kjo është hera e parë esnafi të ulet me kryeministrin e shtetit dhe të dakordohen për punë konkrete dhe projekte të cilat janë interpretuar në dokument të cilat duhet të realizohen me qëllim të zgjidhjes së çështjeve më të rëndësishme për Çarshinë dhe esnafin, ku si problem kryesor e përmendi çështjen e vend parkimeve./Telegrafi/