Këtë vit kanë ndërruar jetë 127 foshnje në Maqedoni

Në Klinikën për Gjinekologji dhe Akusheri, deri më 30 shtator të këtij viti kanë ndërruar jetë 127 foshnje. Drejtoresha e Inspektoratit Shtetëror Sanitar dhe Shëndetësor, Irina Sotirova Bukova, në konferencë për shtyp me rastin e inspektimit të jashtëzakonshëm të Klinikës Gjinekologjike, tha se çdo foshnje është rast i veçantë dhe se ka më shumë faktorë që sjellin deri të vdekja, por mosplotësimi i kushteve të klinikës mund të ndikojë.

“Duhet të kihet parasysh se numri më i madh i rasteve të vdekjes janë fëmijë të lindur me rrezik apo shtatzani të rrezikshme”, tha Bukova, përcjell Telegrafi Maqedoni.

Inspektoratit Shtetëror Sanitar dhe Shëndetësor gjatë mbikëqyrjes së kryer inspektuese në këtë klinikë, ka evidentuar shumë parregullësi që kanë të bëjnë me kushtet hapësinore, pajisjet dhe mungesë e kuadrit.

Po ashtu, është vërtetuar se ka kapacitet të pamjaftueshëm të sistemit të ventilimit për ajër të freskët dhe sistemit për rregullim termik, çatia rrjedh dhe se ka lagështi në një pjesë të objektit./Telegrafi/