Kryetari i Kuvendit të Republikës së Kosovës, Kadri Veseli, mori pjesë në ceremoninë e përurimit të shtatores së re të dëshmorit të kombit, Edmond Hoxha, në Junik.
Në fjalën e tij, kreu i Kuvendit tha se vendosja e kësaj shtatoreje të re në qendër të Junikut, është nderim për figurën e ndritur të heroit Edmond Hoxha, por, njëkohësisht, është edhe një mesazh reflektimi që të kihet kujdes në mënyrën se si i nderohen heronjtë.
Veseli tha se qytetet dhe sheshet tona janë të mbushura me shtatore heronjsh, të cilët meritojnë të vendosen në ato vende, por në shumë raste cilësia artistike e këtyre shtatoreve është jashtë mase e dobët.
E tillë, shtoi Veseli, ishte edhe shtatorja paraprake e Edmond Hoxhës këtu në qendër të Junikut.
“Kur isha herën e fundit në vizitë zyrtare në Junik u preka nga cilësia e dobët e shtatores. Bashkëbisedova me miq, artistë e bashkëluftëtarë dhe vendosëm ta ndërtojmë një shtatore të re për heroin tonë Edmond Hoxha. Jam i lumtur që ky premtim u realizua shpejt”, theksoi kryeparlamentari Veseli.
Veseli tha se vendosja e shtatores së Edmondit në qendër të Junikut, njërit prej luftëtarëve të orëve të para të UÇK-së, ka domethënie të shumëfishtë.
“Ne nderojmë veprën e tij në shërbim të atdheut dhe njëkohësisht edhe traditën e madhe patriotike të Junikut. Ishte pikërisht kjo traditë që frymëzoi Edmond Hoxhën, prandaj ai nuk është një hero i rastit”, tha Veseli.
Ai tha se fokus i punës duhet të jetë përqendrimi i të gjitha energjive në zhvillimin ekonomik të Kosovës, në hapjen e vendeve të reja të punës, në ngritjen e cilësisë në arsim e shëndetësi, në sigurimin e shërbimeve publike efikase për qytetarët, në përkrahjen e sipërmarrësve që duan të punojnë e prodhojnë në vendin e tyre dhe në shndërrimin e komunave tona nga qendra të burokracisë shtetërore, në qendra të zhvillimit ekonomik lokal.
“Një Kosovë e zhvilluar ekonomikisht, një shoqëri e begatshme për qytetarët e saj – ky është nderimi më i madh që mund t’u bëjmë heronjve tanë që dhanë jetën për liri”, theksoi Veseli. /Telegrafi/
Promo
Reklamo këtuLufta Prigozhin - Putin
Më shumëNga Rubrika
I ndodhi shqiptarit nga Kosova, shkoi në Shkup ta operojë këmbën e majtë, ia operuan të djathtën
Komandanti i KFOR-it takon ambasadorët e QUINT-it, Turqisë dhe BE-së, shprehet përkushtim i palëkundur për sigurinë në Kosovë
Iljazi: Niko Beqarovski është mjek nga koha e “shokut Tito”, ka ikur koha e tij
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251