U vra 16 muaj më parë, familja e këngëtares Christina Grimmie flet pas tragjedisë në Las Vegas (Foto)

Pothuajse 16 muaj më parë, Christina Grimmie u vra nga një fans në koncertit e saj në Orlando, Florida.

Sot, familja e Christina ka folur për viktimat e Las Vegasit, pas të shtënave që ndodhën të dielën gjatë një koncerti muzikor, transmeton Klan Kosova.

Të dielën, një i armatosur i vetëm, Stephen Paddock, vrau 59 njerëz dhe plagosi mbi 500 nga kati i 32-të i hotelit Mandalay Bay. Ngjarja tragjike shokoi jo vetëm vendin por edhe familjen e Christina e cila e di shumë mirë se çfarë është të humbasësh dikë nga një armë, transmeton Klan Kosova.

Familja e Christina lëshoi një mesazh në të cilin thuhet: “Ne jemi më shumë se të shkatërruar pas tragjedisë në Las Vegas. Zemrat, mendimet dhe lutjet tona shkojnë për viktimat, familjen dhe miqtë e atyre që u morën mbrëmë. Ne me të vërtetë e kuptojmë se çfarë po përjetojnë këto familje dhe shpresojnë t’ju ndihmojmë në një farë mënyre”.

Përveç familjes Grimmie, shumë fytyra të njohura publike kanë shfrytëzuar mediat sociale për të shprehur ngushëllime për familjarët e viktimave.