Poposki: Korrigjimi i termave irredentiste të jetë i dyanshëm

“Marrëveshja për formimin e një komisioni të përbashkët greko-maqedonas i cili do të merret me pastrimin e librave shkollore nga termat irredentistë është një punë e mirë, por vetëm nëse kjo është e dyanshme”, ka vlerësuar ish-ministri i Jashtëm, Nikolla Poposki.

Ai mendon se vetëm kështu do të ketë rezultat, pasi nëse fajësohet dhe korrigjohet vetëm njëra palë, nuk do të ketë efekt.

Popovski ka thënë se nëse ndodh korrigjimi vetëm i librave në Maqedoni, atëherë komisioni do të dukej i destinuar vetëm për “spastrimin” e librave të Maqedonisë.

“Nëse tendenca është që të bëhet rishikimi vetëm i librave të Maqedonisë atëherë mendoj se dalim nga koncepti i reciprocitetit dhe në këtë rast imponojmë nevojën që Maqedonia të shikohet si një anë e cila vetëm krijon probleme. Mendoj se duhet të dalim prej matricës që ne si shtet të presim vetëm tekste të gatshme të cilat duhet ti nënshkruajmë. Do doja të ketë barazi për të gjithë personat e përfshirë në mënyrë që për të gjithë të vlejnë rregullat e njëjta”, ka thënë Poposki./Telegrafi/

Lexo po ashtu Kotzias: Me komision të përbashkët do t’i japim fund irredentizmit në IJRM