Prezenca e politikanëve në derbin e së enjtes në stadium, do t’na i rikujtojë premtimet e parealizuara për stadiumin
A i rëndon ata ky premtim, i përsëritur tash e 17 vjet?
Sigurisht që jo, për sa kohë e shfrytëzojnë stadiumin dhe derbin për promovime politike gjatë fushatës.
Me ardhjen e muajit tetor dhe zgjedhjeve lokale, në publik dalin edhe gënjeshtarët më të mëdhenj të popullit të Kosovës. Janë ata politikanët të cilëve aq më shumë që u besojmë, aq më shumë na dëshpërojnë.
Si një gazetar i sportit dhe qytetar i Gjilanit, më intereson më së shumti t’i dëgjoj fjalët e votë-kërkuesve për sportin në përgjithësi.
Qyteti i Gjilanit njihet për derbin më të madh lokal në Kosovë, mes dy skuadrave shumë mirë të organizuara, si Drita dhe Gjilani, të cilat do të jenë përballë njëra-tjetrës këtë të enjte në ‘stadiumin evropian’ – kështu po i them unë, sepse na kanë gënjyer politikanët se stadiumi do të jetë kësi lloji.
Premtime për renovimin e stadiumit ka pasur nga çdo qeverisje e Gjilanit të pasluftës, por një gjë e tillë nuk ka ndodhur asnjëherë.
Përpos fushës, tribunat e stadiumit dhe teshatoret e futbollistëve nuk duan koment, pasi nuk plotësojnë as kushtet minimale për një ndeshje futbolli.
Vendi për gazetarë është i tmerrshëm dhe nuk plotëson asnjë kusht që një gazetar ta kryejë punën e tij.
Së fundmi, janë publikuar disa fotografi se si në vitin 2020 në qytetin e Gjilanit do të ndërtohet një stadium evropian. Shpresojmë që një gjë e tillë të ndodhë, por kam frikë se edhe në vitin 2021 do të shkruhet se si politikanët kanë gënjyer banorët e Gjilanit të cilët jetojnë me futbollin.
E keqja më e madhe është se në çdo derbi tribuna e ashtuquajtur ‘VIP’ do të mbushet me gënjeshtarët më të mëdhenj në Kosovë. Aty nuk ka vend as për kryesi të klubeve të cilët qëndrojnë në këmbë; nuk ka vende as për gazetarët sportivë të cilët janë në çdo ndeshje në stadium. Ditën e derbit këta të fundit duhet ta ndjekin nga tribunat e tifozëve.
Ky derbi do të jetë më i veçantë për kandidatët për kryetar të Komunës, pasi jemi afër zgjedhjeve dhe premtimet vetëm sa bëhen më të mëdha.
Si një person që nuk më intereson fare politika, e kam vetëm një kërkesë për ju kandidatë për kryetar komune: bëni diçka më shumë për qytetin e futbollit, bëni diçka më shumë që rinia e këtij qyteti të ketë më shumë terrene sportive e mos të merret me lëndë narkotike.
Edhe një lutje: aman, mos hajdeni në stadium të enjten, sepse derbin më të bukur në Kosovë, prezenca juaj do ta shëmtojë shumë.
Promo
Reklamo këtuLufta Prigozhin - Putin
Më shumëFjolla Morina kthehet sërish me Fisnik Sylën?
Shkencëtarët zbuluan se sa orë në ditë duhet të ulemi, të flemë, të qëndrojmë në këmbë dhe të ushtrohemi
Atentati ndaj vëllait të Aleksandar Jabllanoviqit, flet zëvendësdrejtori i PK-së në Mitrovicën e Veriut
Policia dhe KFOR-i amerikan sulmohen në Leposaviq – iu bllokua rruga dhe u hodhën shishe xhami ndaj tyre
Erjolën e hedhin në mes të natës në pishinë, i ekspozohen pjesët intime
Van Dijk i pakënaqur tek Liverpooli, legjenda e klubit paralajmëron transferimin e tij tek Real Madridi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'