Pesëdhjetë anëtarë të rinj të Korpusit amerikan të paqes janë në Shkup

Pesëdhjetë vullnetarë të rinj nga Korpusi amerikan të paqes arritën sot në Shkup, përcjell Telegrafi Maqedoni. Ata i bashkohen grupit prej më shumë se 700 shtetas amerikan, që kanë kryer punë vullnetare në Maqedoni që nga viti 1996 e deri më sot.

“Ky është grupi më i madh i vullnetarëve në historinë e Korpusit amerikan të paqes në Maqedoni. Nga viti në vit, numri i vullnetarëve rritet. Kjo tregon interesimin e madh që ekziston te amerikanët për të shërbyer në Maqedoni”, u shpreh Mark Hannafin, drejtoi i Korpusit amerikan të paqes në Maqedoni, i cili së bashku me të punësuarit në Korpusin amerikan të paqes ishin në aeroportin e Shkupit për të bërë pritjen e vullnetarëve të rinj.

Gjatë kohës së qëndrimit të tyre në Maqedoni, siç informojnë nga Korpusi i paqes, vullnetarët amerikanë do të punojnë si ligjërues të gjuhës angleze, defektologë, si dhe në fushën e zhvillimit të bashkësive, në bashkëpunim me shkolla fillore dhe të mesme, institucione shtetërore, komuna dhe organizata joqeveritare./Telegrafi/