Deskoska: Do të shkurtohen orët e mësimit në shkolla, duhet më shumë efektivitet

Ministrja e Arsimit, Renata Deskoska, sot ju bëri thirrje drejtorëve të shkollave që të jenë transparent me Ministrinë e Arsimit. Sipas saj, drejtorët duhet të paraqesin objektet e shkollave nëse janë të dëmtuara që të merren masa.

Ndërsa për personat me nevoja të veçanta do të kenë asistent gjatë orëve të mësimit. Ministrja bëri apel që të gjitha shkollat fillore dhe të mesme të japin numrin e saktë të personave me nevoja të veçanta që të krijohen kushte. Më tej ajo theksoi se do të shkurtohen edhe orët e mësimit për hir të efektivitetit.

“Iniciativa e parë është se nxënësit janë të ngarkuar me shumë orë mësimi dhe me këtë nuk kemi efikasitet në mësime. Mendojmë që duhet numri i orëve të shkurtohet si dhe riorganizim të mbajtjes së orëve, ku ndryshimet kryesore do të fillojnë nga shkollat fillore”, u shpreh Renata Deskoska.

Nga e hëna do të fillon viti shkollor, ku sipas ministres Deskoska në shkollat fillore u regjistruan gjithsej 20437 nxënës të klasës së parë prej tyre, mësimin në gjuhën maqedonase do të përcjellin 13218 nxënës, në gjuhën shqipe do të mësojnë 6419./Telegrafi/