Vizita e Kotzias, rast i mirë për promovim të bashkëpunimit dhe besimit ndërmjet Maqedonisë dhe Greqisë

Ekspertët e diplomacisë, vizitën e ministrit për punë të jashtme të Greqisë të caktuar në fund të këtij muaji në Shkup e vlerësojnë si mundësi e mirë për shkëmbim të mendimeve në lidhje me ndoshitë e fundit në rajon, por mbi të gjitha si një rast për promovim të bashkëpunimit ndërmjet dy shteteve dhe ndërtim të klimës së mirë besimit ndërmjet dy vendeve.

Si detal interesant dhe me rëndësi simbolike, nga pala greke konfirmojnë se Ministri grek do të bëjë udhëtimin nga Selaniku deri në Shkup me veturë sepse nuk ka fluturime direkte ndërmjet Greqisë dhe Maqedonisë, për shkak të emrit të aeroportit të Shkupit – “Leka i Madh”, përcjell Telegrafi Maqedoni.

Gjatë qëndrimit të tij në Shkup, Kotzias do të ketë takim dhe drekë pune me shefin e diplomacisë së Maqedonisë, Nikolla Dimitrov, si dhe disa takime tjera me përfaqësues të Qeverisë së Maqedonisë dhe si temë kryesore në takimet e Kotzias me autoritetet e Maqedonisë do të jetë zbatimi dhe zgjerimi i Masave për ndërtim të mirë besimit me qëllim të përmirësimit të marrëdhënieve ndërmjet dy vendeve.

Siç përsërisin nga MPJ e Greqisë,ata “mbeten të përkushtuar në përmirësimin e bashkëpunimit ndërmjet dy vendeve, duke kontribuar në konsolidimin e kulturës së konsenzusit dhe kompromisit me qëllim të stabilitetit në Maqedoni dhe në gjithë rajonin”./Telegrafi/