Panik në njërin nga plazhet më të vizituara të bregdetit spanjoll: Peshkaqeni gjigant tmerron pushuesit që laheshin (Foto/Video)

Njëri nga plazhet me të vizituara të bregdetit spanjoll në Majorca, për disa momente është mbyllur gjatë vikendit të kaluar, pasi që një peshkaqen gjigant u fut afër pushuesve duke krijuar kaos dhe panik tek mijëra njerëz që iknin nga uji.

Peshkaqeni i gjatë 2.5 metra është vërejtur duke u “sorollatur”,në një plazh në vendin e njohur si Iljetas në afërsi të Magalufit, transmeton Telegrafi.

Kujdestarët e plazhit menjëherë kanë paralajmëruar pushuesit duke bërtitur: “Të gjithë dilni nga uji”.

“Po, është peshkaqen. Kurrë më parë nuk kam pasur rastin ta shoh plazhin e thatë”, ka shkruar një turiste në Tëitter.

Pjesëtarët e gardës civile menjëherë kanë vënë masat preventive në atë zonë, me qëllim që peshkaqeni të mos shfaqet sërish në plazh. Megjithatë, peshkaqeni u shfaq sërish dhe kështu u detyruan ta mbyllin.

Por, pas disa ditëve ajo është rihapur, megjithatë, ekipet e shpëtimit kanë vënë masa kufizuese në ujë, dhe kthenin pas të gjithë ata që tentonin ta kalojnë vijën e kuqe të bërë me litar. /Telegrafi/