Eksportet shqiptare në pesë vitet e fundit (2012-2016) kanë ndjekur një trend rritës, duke përjashtuar vitin 2015, në të cilin ato kanë pësuar ulje. Rritja mesatare e eksporteve rezulton me 4,6 %, thuhet në raportin e publikuar të premten nga Instituti i Statistikave, “Tregtia e jashtme, 2012 – 2016”.
Importet gjatë këtij 5-vjeçari kanë pasur një ecuri të luhatshme e cila ka rezultuar në një rritje mesatare 1,4 %, ndërkohë që deficiti tregtar ka shënuar ulje mesatare vjetore me 0,2 %.
Eksportet nga përpunimi aktiv i produkteve tekstile dhe këpucët, kanë zënë peshën kryesore në eksportet shqiptare. Gjatë kësaj periudhe, grupet që zënë mesatarisht peshën më të madhe në eksporte janë “tekstilet dhe artikujt prej tyre” 17,5 %, “veshjet e këmbëve” 16,9 %, “produkte minerale” 31,1 % dhe “metale bazë dhe artikujt prej tyre” 14,6 %.
Gjatë periudhës 2012-2016, eksportet në vlerë kanë shënuar rritje të konsiderueshme drejt Italisë, Greqisë, Serbisë dhe Malit të Zi. Në krahasim me pesë vite më parë, harta e eksporteve shqiptare duket se është diversifikuar ndjeshëm.
Në vitin 2016 eksportet me Italinë zunë 54,6 % të eksporteve nga 51,1 % që zinin në vitin 2012, me Greqinë zunë 4,6 % të eksporteve nga 4,4 % që zinin në vitin 2012, me Serbinë zunë 1,9 % të eksporteve nga 0,8 % që zinin në vitin 2012, me Malin e Zi zunë 1,8 % të eksporteve nga 0,8 % që zinin në 2012. Partneri tregtar kryesor në eksporte me Shqipërinë, është Italia.
Gjatë periudhës 5-vjeçare eksportet me Italinë zënë mesatarisht 51,0 %, ndjekur nga Kosova me 7,5 %, Spanja me 6,8 %, Greqia me 3,9 %, etj.
Eksportet shqiptare drejt Kosovës janë përqendruar në grup-mallrat “materiale ndërtimi dhe metale” dhe “minerale, lëndë djegëse, energji elektrike”.
Në periudhën 2012-2016 eksportet me vendet e BE kanë zënë mesatarisht 76,6 % të eksporteve gjithsej, ndërsa eksportet me vendet e CEFTA (Maqedonia, Mali i Zi, Bosnjë-Hercegovina, Serbia, Kosova dhe Moldavia) zënë 12,4 % të eksporteve .
Importet e produkteve minerale kanë zënë peshën kryesore në importet shqiptare gjatë periudhës 2012-2016, me 15,0 %, ndjekur nga importet e “makineri, pajisje mekanike dhe elektrike” me 13,5 % , “metale bazë dhe artikuj prej tyre” me 10,2 %.
Pesha e importeve nga Kina ka vijuar të rritet përgjatë këtij harku kohor, duke arritur në 8,8 % më 2016 nga 6,4 % e importeve gjithsej që ishte në vitin 2012. Ndërsa peshat e importeve nga Italia dhe Greqia kanë ardhur duke u ulur. Për Italinë importet janë ulur nga 31,9 % që ishte në vitin 2012, në 29,3 % në vitin 2016 dhe për Greqinë nga 9,5 % që ishte në vitin 2012, në 7,9 % në vitin 2016.
Partneri tregtar kryesor në importe me Shqipërinë, është Italia. Gjatë periudhës pesëvjeçare importet me Italinë kanë zënë mesatarisht 30,8 %, ndjekur nga Greqia me 8,7 %, Kina me 7,5 %, Turqia me 7,0 %, etj. Në periudhën 2012-2016 importet nga vendet e BE zënë mesatarisht 62,7 % të importeve gjithsej, ndërsa importet nga vendet e CEFTA zënë 7,3 % të vëllimit. /Telegrafi/
Promo
Reklamo këtuLufta Prigozhin - Putin
Më shumëFAZ: Ballkani po mbetet pa popullatë, po popullohet me emigrantë nga Azia
Certifikimi i snajperistëve, Gecaj: Lajm i mirë për Kosovën dhe FSK-në
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Publikohet doracaku zyrtar për dhënien e provimit të patentës së shoferit
Profesori shqiptar nga Londra: Në Britani të Madhe i gjithë spektri politik është pro Kosovës
Polici goditet me veturë, e dyshuara largohet nga vendi i ngjarjes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe