Dhjetëra qytetarë morën pjesë në meshën e ditës së Pashkëve në Katedralen “Nënë Tereza” në Prishtinë, që për mesazh ka pasur paqen në mes njerëzve.
Don Fatmir Koliqi, i cili e udhëhoqi meshën e ditës së Pashkëve, tha se mesazhi që këtë vit Ipeshkvi i Kosovës ka zgjedhur është po i njëjti me mesazhin e parë të cilin Jezusi iu sjell apostujve ‘paqja me ju’.
“Mesazhi i parë i cili Jezusi ju sjell apostujve, nxënësve të vetë është paqja me ju, të cilin e ka përzgjedhë edhe ipeshkvi i Kosovës për sivjet. Gjithashtu në ungjillin e sotëm kemi dëgjuar se si dy apostujt e vetë shkojnë dhe e zbulojnë që Jezusi është ringjallur dhe është ai shikimi i parë i cili e ndryshon jetën e tyre, por edhe besimin të cilin e bënë që të hapet zemra e tyre. Kështu që, ashtu si Jezusi na e ka dhënë mesazhin neve përmes apostujve, edhe ne e përcjellim te të gjithë që të hapim zemrat e tona për të tjerët, mos leni varre të mbyllura por të hapura dhe të ringjallemi në një jetë më të bukur dhe më të mirë për vendin tonë”, tha ai.
Jashtë katedrales ku u mbajt mesha e ditës së Pashkëve, janë parë forca të shtuara të Policisë së Kosovës, por që sipas Don Fatmir Koliqi, janë vetëm masa që merren kur ka tubime të mëdha, por që nuk ka pasur kurrfarë shqetësimi tjetër.
“Ju e patë që nuk kam qenë aspak i frikësuar, as besimtarët nuk kanë qenë të frikësuar. Sigurisht që e gjitha këto që i keni parë ju jashtë janë masa që merren kur ka tubime të mëdha, që të jetë rendi, por nuk ka pasur kurrfarë frike dhe shqetësimi. Gjithmonë lajmet mediatike kanë impakt psikologjik tek njerëzit, por nuk ka pasur asgjë që na frikëson neve, pikërisht me gëzim dhe me plot hare i kemi festuar së bashku”, tha ai.
Ndërsa, qytetari Dedë Abazi, tha se populli shqiptarë gjithmonë ka ditur që të festojë dhe të kremtojë pashkët dhe bajramin së bashku, pasi që mbi të gjitha janë shqiptarë, kremtojnë dhe jetojnë së bashku.
“Festa e pashkëve do ta prezantoj në dy dimensione, në atë global dhe atë vendorë. Në atë global paraqitet para botës një shpresë dhe besim që njeriu në botë nuk ka ardhur që të shkon drejtë varrit, por njeriu ka ardhur që të jetoj në këtë botë dhe të jetoj për tu ringjallur në jetë dhe për ta zhvilluar jetën e pasosur. Në aspektin kombëtarë ne jemi shoqëri e cila kemi nevojë për ringjallje, për ripërtëritje, jemi në ringjallje e sipër pavarësisht rrethanave dhe frymave të këqija që përpiqen që të frikësojnë dhe tentojnë të ndjellin panik te populli, populli shqiptarë është ai që gjithmonë ka ditur që të festojë dhe të kremtojë pashkët dhe bajram së bashku. Sepse, mbi të gjitha jemi shqiptarë dhe kremtojmë dhe jetojmë së bashku. Urime dhe për shumë mot pashkët”, tha ai.
Në përfundim të meshës, Katedralja “Nënë Tereza” kishte përgatitur rreth njëmijë vezë të pashkëve, të cilat iu dhuruan fëmijëve, por edhe të pranishmëve të tjerë të kësaj meshe.
Gjatë ditës së sotme, në ora 17:00 do të mbahet meshë në Kishën e Shën Ndout në Ulpianë. Po ashtu, në orën 19:00 do të bëhet pritja solemnde për Pashkë në Rezidencën e Ipeshkvisë e organizuar nga Ipeshkvi i Kosovës, Dodë Gjergji./Telegrafi/
Lufta Prigozhin - Putin
Më shumëNga Rubrika
Arrestohen dy të dyshuar për hedhjen e granatës nëntorin e vitit 2023 në Prishtinë
Në 25 vjetorin e OSBE-së në Kosovë, Kurti: Ky mision ishte dëshmitar i një prej masakrave më të tmerrshme
Dugolli: Nuk e bëjmë Asociacionin pa njohjen e Kosovës de facto nga Serbia
Ymeri ia përkujton Halitit të VV-së: Ke shkelë mbi nënshkrimet e 200 mijë qytetarëve
Kryeministri serb: Serbia e gatshme të bëjë kompromise me Kosovën
Deputeti i "Junts" në Parlamentin spanjoll: Kosova është shtet i pavarur, Qeveria e Spanjës duhet ta njohë
Dugolli: Nuk e bëjmë Asociacionin pa njohjen e Kosovës de facto nga Serbia
Personi që u gjet i vdekur në veturë në Sllatinë, shtetas i Shqipërisë
Berisha: Takimi me Martin Berishajn nuk e ndryshon qëndrimin tim për aferën GEN
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Po shoqëronte kryeministrin hungarez drejt aeroportit të Shtutgartit pas ndeshjes në Euro 2024, humb jetën një polic gjerman
Tifozi shqiptar humbi rrugën mes spanjollëve, shikoni se si përfundoi
Arrestohet asambleisti i LVV-së në Prishtinë, ish-asistenti i kryeministrit Kurti
Merr fund aventura e Shqipërisë në Euro 2024, mposhtemi minimalisht nga Spanja
Notat e lojtarëve, Shqipëri 0-1 Spanjë
Shefi i inteligjencës ushtarake ukrainase, tregon nëse Rusia do të përdorte armët bërthamore në rast të humbjes së kontrollit mbi Krimenë